السلام عليكم ورحمة الله وبركاته
الاهداء للشيخ / هتاش الهمزاني الشمري
عضو المجلس البلدي بمدينة حائل ............ حفظه الله
بلغ سلامي ياابو حاضر لهتاش=الطيب اللي سمعته ترفع الراس
هتاش له علم(ن) وصلنا على الطاش=علم(ن) يقود الوجه وشهوده الناس
هتاش ريف الضيف لاجاه هتاش=هو طيب الافعال والطيب نبراس
للطيب والمعروف هتاش حواش=كساب جل المدح من كل الاجناس
هتاش من ربع(ن) يفكون الادباش=لاجاء نهارن الضيق والوضع حساس
يفداه رجل(ن) مابعد قيل له عاش=اللي عن المعروف والطيب نساس
اللي ليا شفته تقل باشة اوباش=واليا بخصته زول لكن بلا راس
مافيه لانفعه ولا حوله عراش=يبخل على العطشان في مدة الكاس
اللي ليا من جيت له عنك ينحاش=مافيه لافزعه ولا حاش نوماس
للنعم ولرد الثنى يوم ماحاش=مهو على فعل المواجيب لهاس
لشاعرها/ عقيل مديسيس الوهبي الشمري