قصيده للشاعر فدغوش ابن علوي الشمري يسندها على الشاعر كساب ابن غازي الشمري ورد عليه الشاعر كساب ابن غازي بهذه القصيده .. رحمهم الله جميعا
اترككم مع الرديـَه
راكب من عندنا عجل الوثاب .. ولد ذللولن ناجبينن ضرابه
عدو له الحساب لياتسع بركاب .. وابوه بالعشر مالحقنا حسابه
يامد منا مايروح بالاقراب .. دارن معقبها ودار سعابه
اشعل لياهز العصا يسرب اسراب .. هريف ذيبن مخطين من نهابه
ناب القرا مايضبطه كل ركاب .. مافوقه الا قربته مع زهابه
راكبه سلم لياجيت كساب .. شوق الهنوف الي تلاعج عذابه
اقبل على الميسور مع شوف الاقراب .. نصيحتن من له صديقن عنابه
ماتنفعك قوات قومك والاطواب .. ياحط من فوقك محزمن من ترابه
الله يفكك من عواثير الاسباب .. لعساف لياقلت عليه الجلابه
رد الشاعر كساب ابن غازي عليه
نطيت حزت ضيقتي راس مرقاب .. هيضت ماكنيت وابديت مابه
يامرحبا والفن هلاوين وارحاب .. وحي الجواب وحي منهو عنابه
جانا قعودك يافتى الجود ماجاب .. جاب الكتاب ولافتهمنا جوابه
يالغوش يالي راكبينن على ركاب .. دوكم وصاتي ودوه من هذابه
حيل عدام الكور طفقات نجاب .. شيب رهاريه الخلا ماتهابه
مثل النعام الي مع الدو هراب .. متوكدن من شوف زولن عدابه
ياوي عيرات على الكود صلاب .. ياروحن والشمس قرب غيابه
حزمن تعدنه على ذاك ركاب .. تغاون حيدن طفح من سرابه
صبح اربعن من عندنا عند الاقراب .. ينبيلكم قرم القروم القرابه
قولو دفعنا يافتى الجود كساب .. يبدي لكم هرجن على الله عقابه
ياعم يافدغوش هرجك لنا صاب .. من بين ضلعينن عميق صوابه
امسيت قلبي يبترم تقل دولاب .. واصبحت قلبي ريبته بالاتهابه
جيته صغير ولاح بي شيب شياب .. والعبد يتنى قسمتن مادرا به
منوت عيوني توبتن وسط الاقراب .. عواد نرجي رحمته مع ثوابه
الشاعر فدغوش ابن علوي الشمري ورد الشاعر كساب ابن غازي عليه
العرض العادي
