عند تصفحي احد المواضيع في احد المنتديات , وجدت هناك من يتهجم ويقلل من حق القبيله
دون رادع ودون رقابه , وهناك من يثنى على كلام صاحب الموضوع من اصحابه الشرذمه
وصغار العقول ,, انزعجت من كل حرف كتبوه وتمنيت احد من ابناء القبيله يتدخل .
ولكن خاطبت ادارة الموقع هناك وتداركوا الموقف خوفاّ من ردت الفعل ...
سلام مني عد ماغرد الطير=وعداد غصنً ناح فوقه حمامه
مساكم الله يالشواعير بالخير=لكم ترى الحشمه وكل الكرامه
وخلافها وين الشعر والشواعير=كلن يشد للشعر منكم حزامه
واللي اعتذر مافاد لوقال تبرير=من دون وقفه مانصدق كلامه
يوم السلف قدام زمل المظاهير=كلن رقى ياعزوتي في سنامه
انتم هماج البحر وعج المعاصير=وانتم هماليلً تلاعج غمامه
وانتم سيوف الهند حدبً بواتير=اللي تقصون اللحم من عظامه
وانتم قرومً ترهبون الطوابير=وانتم كسرتوا روس اهل الزعامه
وانتم نهار الكون جيشً مغاويير=منكم عدو ياما تجرع ندامه
المشكله من شفت كذبً و تزوير=تاريخنا يطوى بيّد الرخامه
كلن علينا قال انا سالم الزير=بالزيف جرد من جرابه حسامه
خلو فعل شمر بالكذب تقصير=ناسً أخلطت بين الحلال وحرامه
حنا لهم يومً مضى من اول نغير=وياما لنا قامت عليهم قيامه
الحر لو ينطح زروف العصافير=لابد يفّرق كل صف انقسامه
وياللي هضمتوا فعل شمر ترى مير=تبقى الروابض ماتجابه عدامه