السلام عليكم ورحمة الله وبركاتة
اتشرف بوضع قصيدتي التي قيلت في مزاين شمر (حفل الويبار) الربيعيه |
دقيت سلف الجمس مع نور الأصباح =وعلى الولــي رب العبــاد إعتمادي
ليا نـاض زراق ليــا عاد تمســــــــاح =يهيد وإن زدنـــا على البنص زادي
الجمـس مرتــــاح وراعيــه مرتــــاح = يحـــفنا النســـناس والجـــو هــادي
الحمــــدلله كلــه أفـــراح بــأفــــــراح =وكـــل وله غايــــه وغايــة مـرادي
شوفــــة بيـوت حــاوية كل الأمـــداح =بيــوت لـها جسر المـنامة أيــشادي
العــود من تــقبل على البـيت فـــواح =والكـــيــف والــم فـي دلال بـــغدادي
كفـــوف النداء تحثها النفس بلـــحاح =مــداتها تــنـضــح سـمو الــمـبــادئ
العــز ظلـماء والسنـاعيس مصبـــاح =يشع نــوره عقــب ليـــل الســـوادي
الطيــب يرجــع يمــهم ويــن مـــاراح =ولــيا غــدا منهم لـيا البعث غـــادي
والعـــز ياســلاحي ليـحتـجت لســلاح =مشط الفشق يقبس بلمس الزنـادي
خمـس الجموع لساتر الموت تجتـاح =لـو كانـوا العــدوان كــثر الجــرادي
خلــو بهيجن يصــفق الراح بالــــراح =ورضـخ لهم عـقب العياء والعـنادي
أمــدليهن الجــار في علــط الأرمــاح =صفــران بالهيــجاء تضــد المـعادي
منهـــم نداء المشهور للخيل نــــطاح =راع الملــيحاء كان صـاح المــنادي
كم من عـديم مـن فـعل بنـدقه طــــاح = وكــم بـنت شــيخ لبســتها الــحدادي
حنــا هـل البل ماتبي شرح وأيــضاح =نـقــص مـن دونـه أطــوال الأيـــادي
عن دربـــها خيــل الصـناديد تـنـــزاح =تـرعى ديـار القـوم والوضـع عـادي
بربـع تـطش خصـومها طش مسبـاح =عيـال غـلبـاء مخــضبــين الهـنــادي
لعــيون مــن نــهديــنها طـلـع تـــفاح = تلـعـب بـهـم لـعـب الـكور بـالــنوادي
ســيل قـبل يـأصل لـه رعود وصيـاح =ولـيـا وصــل غـــرق ثمـانـيـن وادي
شمر هـل النـوهـات وأبعـاد الأشباح =تـاريـخ فـي شـبه الـجزيـرة ريــــادي
الصــارمـين الــنُدر الـعُرب الأقـحاح=إجـبال لـها فـي كــــل دار أمــــتدادي
رجــالهم للمرجــــلة لابس وشـــــاح =لـوهو مـضى عمـره بسجن إنفرادي
كـم أشـقر يلـعب على جــنـاح وجناح =صــادوه لــو هـو قـبلهم مـايـصــادي
وكــم ضــاري خــلوه بالــدم ســــباح = والــرؤوس حوله مثل لـون الهوادي
بخيــلهم لــمـرودم الـحـيــل ذبـــــــاح = وراع الـغـنم مـنـهم يـعـزل الــطرادي
للــعز مــفـــتاح ولــــذل مـــفــتـــــاح =وكـــل عــلى مــنهــج جــدوده يــقادي
(وش يجمع الـلي للعلا بـاع الأرواح =للـي يــبـيـع للـــعــدس و الــزبـــــادي ؟ )
علــى ظهور الخيل شيب الطنـــا لاح =وفرسان عصر النفط وسط المــهادي
صمـــايل مـــاهي تمــاثيل وأمــــزاح =تــاريخ بــحـروف الصـحيـح الـوكادي
ماهـي علــومك يـاقـنـوات الإصـلاح =اللــي يــغـذيها الـكـــذوب الـــربــــادي
ويــالله تـجــعـل دارنـا أفراح بأفـراح =وسيــري عـلى دروب الفــخر يـابلادي
سلطان سليمان الكنهاب الوبيري |
,
قصيدتي في مزاين شمر (حفل الويبار) الربيعيه
العرض العادي
