انا اشهد (ياسراب) ان الغلا لخافقي كافور
ادور للكلام اللـي عسـى مايجـرح شعـوره
الكلام اللي يطربها ويحسسها باني ســور
ويسكن بي وسط قلبي امير وساكن قصوره
وحتى لو سكن عيني احس انـه ضياء ونــور
واحس الروح في بعده عليله و دوم مكسوره
نعـم شاعــر ولا ادور ابــد للشعـــر جمهــــور
احس انها اهي الدنيا وهي كوني وجمهوره
اهي من بابل التاريـخ تتحـدرللعــراق حــدور
اهي من اطهر اتراب الارض والتاريخ وجذوره
اهي بنت النشامه اللي اهلها (واهج التنــور)
اهي ذيك الحبيبه الي عليها الروح ماسوره
اهي للضيا شمعــه واهـي للضـلام النــــور
اهي روحي وهي دمي وهي قلبي وشعوره
اهي من قلت فيها قصيده من زمن مأجــور
وانتي كنتي تريدين طفلــه واسمهــا نـــوره
اهي اللي اذا انظرها اتبسم بدون شعـــور
اهي اللي قلت فيهــا كثيــر بيوت مكسوره
اهي ذيك الفتاة اللي جلست بجنبها مسرور
اهي ذيك الفتاة اللي طعم شفتها مسحوره
اهي من خلقها الله شيخـــه والـزمــان يـدور
اهي شيخة اهل (الحد) واهل (عراد) والدوره
اهي اللي اذا تنزل على الشارع يقف جمهور
اهي الربيع العربــي القامـت فيــه الـف ثـوره
اهي الجوري الي له على شط الفرات جذور
اهي مثل شجر الزان الماسك برضه جذوره
انتي لي عشق صادق انتي للدجى ديجور
وانا المركــب التايـــه وضــاع بلجــة بحــوره
انتي للقلب فرحه يــوم ان القلــب مفخــور
احس انك مثل طفله تبكي تـريـد عصفـوره
تعالي نبي راجع زمـانـاً مـاضــي ولـــه دور
ولاتقـوليـن ما اقـدر كل شي راح فـي دوره
تـرى قلبـي فـي حبـك مثـل كاست البلـور
صعب يالشيخه تتجبر اذا انكسرة البلـــوره
انا وشذنبي بالدنيا اذا قلبي بهــا مجبــــور
واهي وشعذرها مني اذا في حبي مجبوره
انا مقدر اتركها ولابعد عن هـواهــا اشهـــور
وهي ليش تبغيني انسى وامحي الصـــوره
انا راجعت مع نفسي ولقيت ان الهوى منصور
وهي تقلي كم مره بانهـــا بحبـــي منصـوره
فهميني سبب صدك وقولي يالغلا ومشكــور
واذا انا فهمت الصار اقـول لك روحي مشكوره
انا اشهد (ياسراب) ان الغلا لخافقي كافور
العرض العادي
