عبد الكريم ابن رمان امير تيما يتوجد الجربان

امير تيما عبد الكريم ابن رمان اشتد عليه الاعداء واخذ يتمنى قرب الجربان والخرصه وقال هذه الابيات يتوجدهم

الله على قضبة غزال النظاما = مهو الغزال اللي مع الصيد ينزاح
ياقلب يامقلوب ياما ياما = يما تشوف من الخساير والارباح
ياما تفارق غالي عقب لاما = يما تشوف من الكدر عقب الافراح
لاواهني من جابهم بس عاما = من حطهم مابين تيما والاسيا ح
كسايت العيدان ريش النعاما = غلبا وعنهم تكع الاسلاف تنزا ح
يتلون فتخان الايدي افهاما = اللي سبقوا كل القبايل باالامداح
شيوخ قومن تتليهم جهاما = من اولاد سيح مرويه علط الارماح

 

 

 

 

 

 

 

 

 

 

ونعم بأبن رمان
بس عندي سؤال اللي اعرفه ان امير تيماء هو عبدالكريم الرمان رحمه الله
وهو اللي انشهر من الرمان
فياليت اذا تعرف شي عن مثقال انك تعلمنا ولك الشكر

 

 

 

 

 

 

 

 

 

 

لك الشكر اخي متعب انا اعرف القصيده لابن رمان ولم اتأكد من الاسم ولكني متأكد

من الشيبان انه لابن رمان وهي قديمه بعد مقتل الشيخ مطلق الجربا واكرر الاسف

 

 

 

 

 

 

 

 

 

 

تميز دائم من سنجار قصص وقصائد وصور فاينما ذهبت تجد سنجار ماشالله

الف شكر يبناخي علي هالقصيده اللي من زمان وانا ابحث عنها والعلم الطيب مايطلع الا من طيب

 

 

 

 

 

 

 

 

 

 

اشكر الاخ عواد الخريصي على مروره الكريم واشكر مجاملته الطيبه مع اني لم اكتب الا القليل

 

 

 

 

 

 

 

 

 

 

أخوي سنجار مشكور على هالمشاركة الجميلة بس للأسف الحلو ما يكمل لو مكمل و جايب القصة


كان تكمل المشاركه حلاوتها

بعدين يا أخي ترى بن رمان بقصيدته ما ذكر الخرصه و لا ............. لأ

 

 

 

 

 

 

 

 

 

 

اشكر الاخ الاصمعي على مروره الكريم واللي كتبته نسمعه من الشيبان رحمهم الله ورحم الله اموات المسلمين في هذا
الشهر الفضيل

 

 

 

 

 

 

 

 

 

 

الأخ سنجار :

أولا أنا حيل أشكرك على مجمل رواياتك و مشاركاتك .

ثانيا الشياب مثل ما تقول ما كل شي ناخذه منهم يكون هو الصح ، الشياب ناخذ منهم الروايه و نحاول نشوف

واقعية هذه الروايه من خلال مقارنته بروايات ثانيه و من خلال الأدله الأخرى من وثائق و مذكرات مستشرقين

و قصائد أخرى في نفس المناسبه .

و أنا الحقيقه فرحت بوجودك بالمنتدى لأنك من أهل سوريا على ما أظن و حنا بحاجة روايات أهل سوريا و العراق و الكويت و نجد لأن كلهن يكملن بعض و بأعتبار وجودك بسوريا تقدر تفيدنا بأشياء جديده كثير و ما تكتفي بالنقل

هذه شرهتي عليك بأعتبارك قلم مميز على الأقل من وجهة نظري , بسوريا جمع كبير من الرواة من الجربان و الخرصه و سنجاره و زوبع و عبده .
يعني مثلا ً تاريخ دهام و تاريخ مشل الفارس و تاريخ مثقال العاصي وروحته لتركيا و بداية مشية العواصي لسوريا و الخلاف بين عجيل و دهام و قعات اللي صارت بين الخرصه و العقيدات والوقعات اللي صارت بين سنجاره و عنزه و تحديدا الفدعان والقعيشيش .
كثير من الأشياء حنا بأمس الحاجه له ، قصايد بصري ردهان بن عنقا حماد الغريبي قصايد الشمالي الهوسات اللي صارت و كثير من الأشياء اللي أتمنى أني أسمعه و أسمع روايتها من أهل الوقعه نفسها .

و تقبل تحياتي ..................

 

 

 

 

 

 

 

 

 

 

الاخ الاصمعي
اشكرك جزيل الشكر على الكلمات الطيبه بعض السوالف مؤذيه ولم يكن عندنا شيء مدون الا بصدور الرجال نفقده مع فقدانهم
حتى الشاعر اللي عندنا زين يقدر يقول عندنا الكردي والارمني وخمسة عشر لغه ولهجه ولازال محافظين0
انشاالله نقدر نقدم الموجود عندنا بموضوعيه ونتعا ون على ان هذا الموقع الاكثر مصداقيه وواقعيه والبعد عن الجروح القديمه
وكلنا نكمل بضنا وكلنا نفخر باالطيب مننا وفي اي مكان كان

 

 

 

 

 

 

 

 

 

 

الأخ سنجار :

شكرا على هذا التجاوب الجميل ....... و على طاري الملل و الأقوام الثانيه اللي تعيش بالجزيره .....

أتمنى أن تسأل عن قصيد الشاعر زكي الشاشاني ........ له قصيد بسطام الحواس و الجربان و بشمر

يا ليت تدور لنا عن بعضه و تشارك به لأني عندي قصيدته بسطام الحواس و ما عندي غيره

كما أتمنى أن تسأل عن قصيد عويد القرقشي لأني جمعة له أكثر من 50 قصيده بس للحين في قصيد مو عندي

و قصايد الحليجي و قصايد الشرابي اللي يتوجد على منزال عبد الكريم الصفوق بعد مقتله واللي مطلعه يقول

يا طير ياللي بالخضيرا تحومي = أشوف عينك شابحه يم سنجار

و يمدح بالقصيدة فارس الصفوق و يتوجد عليه بعد مشيته لنجد ..........

كما أحب أسألك عن قصيده لمحمد الدسم يمدحبه فارس الصفوق و اللي مطلعه يقول :

فارس كثير الزاد كلن درابه = الست و الستين يحسب حسابه

أدري أني كثرته عليك بس من الميانه ...............و اللي عندي أنا حاضر به اللي تبيه ........