مساجلة بين الشاعرين عبدالله الشيباني ومشرع العوهلي
عبدالله الشيباني
الـيـوم يـامـشـرع جـرالــي بـهـاذيـل = امشي واهوجس والهموم اشغلني
نـطـرد ورا الدنـيـا مقـافـي مقـابـيـل =نـطـرد وراهــا والسـنـيـن ادبـحـنـي
الشـجـرة الـلـي ظـلــها دايـــم يـمـيـل =خضـرٍ ورقهـا والـعـروق امحلـنـي
البـرق يبـرق ميـر مـابـه محاصـيـل =نرجـي المطـر ميـر الديـار ادهرنـي
جـــاك الـكــلام مـثـبـتـن بـالـدوالـيـل =وان كـان تايـه فـي المـثـل لا تغـنـي
انتـه سبيعـي مـن رجـالـن مشاكـيـل =يالعـوهـلـي لاعــــل ظــنــك بـظـنــي
ردمشرع العوهلي
يابـو سـعـد جـانـي الـغـوز ومراسـيـل =وقريـت نـص اللغـز سـاعـة وصلـنـي
سـطـر اختـبـارٍ مـنـك يـاذابـح الـحـيـل =وانــا ادري انـــك مـرسـلـه تمتـحـنـي
ويابوسعـد لــو يكـثـر الـحـط والشـيـل =مهـمـا يـكــون بمهـنـتـي ماجهـلـنـي
اخـــذت مقـيـاسـه بـالامـتـار والـمـيـل =مـن شـان اجـاوب صـح لـلـي سالـنـي
وحلـيـت لـغـزك بـعــد درس وتحـلـيـل =والـيـوم دوك الـحـل يالـقـرب مـنــي
احــذر تشـيـل الحـمـل لاصــار تتـويـل =وانـتـه مسـافـر فــي طـريـق امتحـنـي
سـافــرت فـــي خـــط كـلــه عـراقـيــل =ورقيتـنـي فــي جـبــال مـايــنرقـنــي
ودربٍ عطيته خسف واسود من الليل =خـطـر عـلــى مـــن جـــاه لايستـجـنـي
وضلع اتهم مـن جـاه شـاف التهاويـل =وعـنـه الايـديــن الطـايـلـه يقـصـرنـي
فيه السماء مليـان مـن نجـم ابوذيـل =وايـضــا مسـامـيـر الـثــرا يـزرعـنــي
وان طعت شوري فاترك القال والقيل= انـعـم وخــل الـجــور يـالـقـرب عـنــي
وشــيٍ حـصـلـك حـاصـلـن للريـاجـيـل =ولـولا ورق شجْـرتـك مـنـت بمتهـنـي
ياماشـربـت مــن الـقــراح الشهـالـيـل =ويامـااثـمـرت شـجْـرتـك هـيــلٍ وبــنــي
واقــــول مـايـحـتـاج للهرج تـطــويــل = انــا اشـهـد انــك فــي معـانـيـك فـنــي
ويـن انـت يـارع الوفـاء موفـي الكيـل =محـيـت عـنـك سنـيـنـا الــلـي مـضـنـي
شجرة الشيباني
العرض الشجري
