بين البشر في الهرج خلك بخيلي = كثر الكلام لقيمة الرجل نقصان
وخلك عمى ضايع يدوّر دليلي = لماحرم الله لاتراعيه الأعيان
وابكم إذا قالوا ولوهو قليلي = غيبة وهرجٍ قاله فلان في فلان
وإن شفت غيرك للرديه يميلي = جنب خطاه وطنشه مين ماكان
والشك راعي الشك رجلٍ عليلي = تاليه دايم لوم ونقصٍ وخسران
ورفيقك اللي مخلص لك خليلي = حافظ عليه ولاتسمٌع لشيطان
واللي ينافق لك بصبحٍ وليلي = جنبه جعله في مقاليع ودران
وإن شفت لك رجلٍ محطم ذليلي = افزع بما تقدر ترى الوقت خوان
لالا تخاوي اللي كسيفٍ رزيلي = اللي جعل بخله لسيرته عنوان
وخل الأمل في اللي علينا وكيلي = ربٍ كريمٍ خالق الأنس والجان
وإن ضاق صدرك لاتدٌور بديلي = اطلب كريمٍ فضله اشكال والوان
( احمد بن ناصر المحرج )
... ( خلك بخيلي .... ) (92)
العرض العادي
