ياسيدي جيتك من الشعر كايف = متقهوين في شوفتك فوحت الهيل
جيتك طنا وابي بحد الرهايف = روسن تدحرجها سيوفن مصاقيل
رهن الاشاره سيدي جيت طارف = وراي شمر تعتلي شمخ الخيل
شمر سحاب بروق والسيل جارف = شمر صواعق زلزله طير ابابيل
شمر ذراعك سيدي ونت عارف = ان الرخوم رخوم ون الرجاجيل
دايم لهم في كل علياء مشارف = شروى ربوعي والرجال المشاكيل
ياسيدي يلي علا المجد نايف = انشهد انك للمهمات حلحيل
العلمنه والرافظه شكل زايف = شرذمتن تلحفت سترت اليل
ماتدري انك ساهر اليل شايف = وان الظلام تحل ستره درابيل
ادري بحلمك سيدي بس خايف = حلمك يشجعهم علا القال والقيل
درست بكتاب لوزير المعارف = قانون لنيوتن مدعم بتحليل
نصه يقول لكل فعلن مخالف = ردت فعل لاشك فيها اقاويل
قولن يقول ان الهدايف هدايف = ماهم كفو للبهذله والبهاذيل
وقولن يقول انه مخطط طوايف = يهدف لزرع الزعزعه والمحابيل
وانا اقول ان الحسايف حسايف = اللي صنع سيف العرب زاده بميل
من شان تجتث العقول الخفايف = ترسخ دروسن في عقول المهابيل
عمر الندم مافاد عض الشفايف = وانا علا ثوره حنين انفجر ويل
الموعد اللي تدعونه مشارف = قرب يحين وقربت ساعه النيل
بذن الولي تلقون بالمجد نايف = نجمن تشادي طلعته طلعت سهيل
(((ثوره حنين)))
العرض العادي
