السلام عليكم ياهل الدار .. دار عز.. دار جود وكرم...
اول مشاركه لي بهذا المنتدى الرائع بشهاده غيري.....
وقصيدتي هذه عندما خرجت الى النور ..ابيت الا ان يراها مرتادي هذا الموقع المرموق ...
اليكم هذي القصيده واتمنى ان تنال اعجابكم...
يمـــا حلا سيرة هل الشـــرع والديـــن ××××××× وطلبـــت ربك بالمســـــــــا والصبــــاحي
وعند النشــــاما لك علـــوم وعناوين ××××××× وفي مجلســـك دايــم طيـــور الفلاحــــي
مافيـــه رجـــل شيـــخته الملايـــــين ××××××× ا لمـــال ماشيــخ خطــات الشحــــاحـــي
والفقـــر ماعيـــب رجـــال مقليـــــــن ××××××× والطيـــب لاهـــل الطيــب يبقــى وشاحي
ومرافقـــة بعـــض الاســـــود السلاطين ××××××× اللـــــي حمــوا نجـــــــد ودار الصبــاحي
عيــال الامـــام اللي على الشرع ماشين ××××××× للخيــــر خيـــــر وللعـــــــدو ا لســــلاحي
اللــــي علــــمهم نخــــــله بين سيـــفين ××××××× واللــــي عطـــاياهــم زلال قـــــراحـــي
اخــــــوان نـــوره نصـرة الحق والديـــن ××××××× حكـــــام نجد اللــي مشـــوا بالصلاحــي
وعقــب معازيبـــي خطات الكريمـــين ××××××× امـــا من ال مكتــــــوم والا الصبـــــاحي
والا نســـل زايـــــد زبـــون الضعيفيــن ××××××× والا نســــل ثانــــي به الخيــر لاحـــي
وابـــي اتمــنى عنــدي اليوم ذوديـــن ××××××× في فيضــتن خضـــرا بها الوسم طاحــي
وعنـــده يجونك من بعيـــد العزيـــزين ××××××× وفنجــــال بن عقبـــــه العـــــود فاحـي
ويسيـــر عليــك اللي يفـــك المساجيـن ××××××× ضــاري وابن ضاري بكـــــل النواحـــي
وابن رشيــــد ليا غــــدا الليــل ليليــــن ××××××× اللــي جمـــع هيبـــــه وعـــز وسمـــاحي
وابـــن علــي بعيجــان نعمك ونعمــين ××××××× اللـــي غـــدا صيــــته بكـــــل النــــواحي
وابن ســويط العـــز ســـم المعـــادين ××××××× رجــــل شجـــاع ولايهـــــاب السلاحــــي
وابــن حميـد اللي على العسـر واللين ××××××× وابـــو ثنــين اللـــي شهـــر في رمـاحي
ومن روق ابن ربيعان هو منيه العيـن ××××××× والنعــــم في شاربــــه من ويـــن راحــي
ومن حـرب اخـوحسـنا والدليم القحاطين ××××××× وابــن مهيـــد مصـــوت للعشـا بالشحـاحي
واخـــوان جـــــوزاء ماتهــاب المياديــن ××××××× دوشــــان لاصــــارت مـــزارق رمـاحـــي
وابـــن قويــــد الدوســري وابـن حثلين ××××××× والفغــــم لاصــاح المصيـــــح وصاحــــي
وبنــي تمــيم اليــوم واللـــه كريميــن ××××××× ابـــن ابراهــــيم اللـــي يزيـــد ارتيــــاحي
وكـــل القبــايل عنـدي اليــوم غاليــن ××××××× والحاضــره واللــي سكـــن بالضــــواحي
وقيـــل التمنـي هــو عـــلاج الفقيـرين ××××××× قلـــت اتمـــــنى والتمــــــني مبــــاحـــي