رثاء في درع الوطن ورجل المهمات الصعبة
صاحب السمو الملكي الاميرنايف بن عبدالعزيز ال سعود ولي العهد ووزير الداخلية
رحمة الله عليه
قلت هذه الكلمات وهي قليل بحق هذا الشهم الشامخ في حياته وفي مماته
الله يجير اللي من الوقت مزحوم=على ضميرة مثقلات وكلايف
ياناس انا والله بالحيل مهموم=على فراق اليث والذيب نايف
ياسيدي نايف انا اطيح واقوم=يوم الخبر جاني جرحت الشفايف
لو البكى ينفع بكيناك كل يوم=وعيوننا تمسي وتصبح ذرايف
كل العرب تقول عساه مرحوم=اللي وجوده ممن عيون خايف
موت البشر رحمه من الله مقسوم=الا انت موتك فيه كل الحسايف
ماني معارض امر ربي ولا اللوم=لكن هذا راي والقلب شايف
يفقدك طفلٍ توه اليوم مفطوم=وتفقدك ناسك والعرب والولايف
انا اشهد انك حاكم وترهب القوم=خسارتك ماهي علينا خفايف
حاكم ولد حاكم ولا نته بمحكوم=تهابكم كل الامم والطوايف
من راس ابوتركي تحدرت شغموم=فعلك مثل فعل السيوف الرهايف
عادل ولاتظلم وناصرت مظلوم=تاخذ من الحكمه علوم وطرايف
ثاقب نظر حر وزما راسك الحوم=تحتار بفكارك كثير الوصايف
عساك بالجنة وعساك مرحوم=في جنة الفردوس يارب نايف
الامير نايف بن عبدالعزيز ال سعود رحمه الله
العرض العادي
