مع احترامي لكل من يرفض التحالف
التحالف اصبح مطلب ضروري يا اخوان ..الانتخابات السنة اللي طافت العبوها صح المطران و الرشايدة و اصعدوا للمجلس و لو لا الله ثم قضاءنا النزيه كان شفنا عسكر بره اللعبة و لكن من صادها عشا عياله...الوضع هالسنة يختلف اختلاف كلي عن السنة الماضية اللي كلمة "تحالف" لا تجدها الا عند مطير و الرشايدة ..ليش؟ الجواب بكل سهولة لأن عددهم كبير و يستطيعون ان يتفننون بالنجاح ..اما شمر و الظفير فلا حول لهم و لا قوة.. العدد صغير قياسا بمطير و الرشايدة خلونا نكون صريحين اكثر و اكثر الفرصة جاءت مره اخرى و بسرعه فلنقتنصها
انا راح اعطيكم الارقام الحقيقية للناخبين وانا مسؤول عن ارقامي (مطير - رشليدة - عنزة - شمر - ظفير) و العملية حسابية مو بالعواطف هذي انتخابات و تحتاج لتكتيكات و تحركات على مستوى عالي
مافي احد يختلف معاي ان شمر و الظفير اصبحوا بالهوا سوا مالنا اي ممثل لنا بالمجلس
مطير عددهم 21000 ناخب * 65% (وهي نسبة الحضور واتوقع ممكن تصل الى 70%) * 4 (وهي عدد الاصوات لكل ناخب) =54600 صوت % 6 (وهم مرشحين مطير) = 9100 صوت لكل مرشح بالتساوي بس من مطير غير الأجناب
الرشايدة عددهم 14500 ناخب * 80% (وهي نسبة الحضور و اتوقع تصل الى 90%) * 4 (وهي عدد الاصوات لكل ناخب) = 46400 صوت % 6 (وهم مرشحين الرشايدة) = 7733 صوت لكل مرشح بالتساوي بس من الرشايدة غير الاجناب
عنزة عددهم 9800 ناخب * 65% (وهي نسبة الحضور و اتوقع تصل الى 70%) * 4 (وهي عدد الاصوات لكل ناخب) = 25480 صوت % 5 (وهم عدد مرشحين عنزة) = 5096 صوت لكل مرشح بالتساوي بس من عنزة غير الاجناب
شمر وعددهم 6400 خل نشيل منهم اللي زعلانين و الا يتحلطون و اللي محمد ما سوالي و هالامور هذي.. يعني بالعربي خل نقول نسبة الحضور 60 % - 65 % وهذا دائما حضورنا
يعني 4032 صوت لمحمد الخليفة كم يبي يجيب من بره!!!؟ خصوصا ان سمعنا ان الاقليات يبون يسوون تحالف !
يا اخوان ما ينطبق على شمر ينطبق على الظفير بالضبط بكل شي وما ينطبق على محمد الخليفة ينطبق على غيره من المرشحين بخصوص انه يجيب من بره و لكن الاصوات اللي من بره لها سقف معين
ولكن شوفوا لو تم التحالف مع قبيلة الظفير اثنين من شمر و اثنين من الظفير و تسكير القائمة
شمر ناخب6400 و الظفير 6200 ناخب = 12600 ناخب للقلبيلتين * 70% ( بحكم التحالف وممكن يكون حضور اكثر) = 8820 صوت لكل مرشح بالتحالف ..هل تعرفون ماذا يعني 8820 صوت يعني انطلاقة هذه القائمة بهذا الرقم اكثر من رقم الرشايدة وممكن من مطير اذا زادت نسبة الحضور بحكم انه تحالف قوي بين قبيلتين مجروحتين و اللي يجيب من بره هو و شطارته
يا اخوان العملية حسابات و ليست عواطف ..محمد الخليفة و ستين نعم فيه و لكن الافضل لنا و لمحمد التحالف في ظل المد الجارف لمطير وم الرشايدة و عسكر و تعرفون عسكر كيف ينجح!! فما نبي نغلط مره ثانية.. شمر بها من الكفاءات و المرشحين المحترمين اللي ممكن يكونون ورقة رابحة في التحالف و يزيدون رصيد هذا التحالف من الاصوات لهم و لزملائهم.. الناس اللي زعلانين على محمد ممكن ان يجون من اجل بدر ناصر الشلاقي او سعود قبيلان العجرش او سالم مبارك الخزيم او غيرهم من المرشحين و هكذا و العكس صحيح و ما ينطبق علينا ينطبق على الظفير و باقي القبائل
لهذا السبب التحالف مهم
العرض العادي
