كيفكم انشالله بخير
حبيت ان اكتب هالقصيده الجديده ومن عادتي
قصائدي الجديده اكتبها اول شي في منتدى الطنايا
وهي عن الاقارب وعن نقل الكلام والنميمه
ومدح في النشاما الطيبين شرواكم يعني
قصيده اجتماعيه على الطرق الهلالي
وانشالله تنال على اعجابكم
القصيده اقول فيها:
يالله يامنشي حقوق السحايب=انت الوحيد اللي تسوق الهبايب
منك استمد العون يالفرد يالصمد=لوحال دوني في زماني سبايب
كم ضيقتن حلّت وعيت تنجلي=ألا بعون اللي يزيل العطايب
وانا سبايب ضيقتي ياجماعتي=هرج القفا لاروجوه القرايب
لو هو من الاجناب ماضاق خاطري=مار البلا بين القرايب عجايب
ماجاهم ألا الطيب مني واشوفهم=بعض السوالف يقلبونه طلايب
أحدن يقابلني ويخفي عداوته=وليارحل تسمع علومن غرايب
وأحدن كثير الحكي بس بغيبتي=حقده دفين ومن تنّصاه خايب
ياصاحبي عمر رفيقك تحدته=هرجه قفا تودع الشاب شايب
ماغير اكافحهم بشعري واردهم=سرّاي ظلما في سموم اللهايب
والله لولا الخوف والمنقود والحيا=اني لاقول ان القرايب نشايب
من غير قاصر بالنشاما هل الصخا=الحي واللي تعتليه النصايب
ماأعاشر الا الكفو وابعد عن الردي=وأهل الردى مالي معاهم صحايب
طبعي فلا انسى رفيقي لو أغتني=الطيب زين ومن تناساه عايب
الله يعز الحي والميت يرحمه=كم طيبن يبقى ولو كان غايب
يالله لاتقطع هل الطيب والكرم=ياغافر الزلات يرجيك تايب
وختامها عد ماهل وأنهمل=من مزنتن ساقه جزيل الوهايب
صلو على محمد نبي الملا=شفيعنا يوم اختلاف المصايب
وسلامتكم
6/9/1430هــ
هــرج الـقـفـا لاروجـوه الـقـرايــب
العرض العادي
