اقتباس:
المشاركة الأصلية كتبت بواسطة الـقـفـيـعـي
بعد السلام وأجمل عبارات اللقاء والاحترام
مساء / صباح الخير والرضا
من جديدي المتواضع أرجو أن يلقى القبول ويلامس منكم أطراف الميول
رقيت من عصري على راس تلّه=مبعد عن إزعاج الملا والمدينه
جيت ابمكانٍ صاد محدٍ يدلّه=والنفس تهوى اللي يحرّك حنينه
يغريني البوح الشهي واستحلّه=فلّيت ضوضاي وطويت السكينه
يا حبْر سجّل وأحفظي يا مجلّه=و يا قاف غرّد للعيون الحزينه
شعري يباريني سواة الأظلّة=نمشي سوا دايم وعيني بعينه
واقول يا علّ الحروف ابمحلّه=وأنقش من المعنى فرايد ثمينه
الزود ما فوق المواجيب كلّه=و من قام بالواجب تبيّض جبينه
لا شكّ ما يبري جروح المذلّه=يا كود زودٍ ما خلط ماه طينه
العقْل أرضٍ والمواقيف فلّه=خطّط وعمّر والتجارب معينه
درس الزمن بستان والوقت سلّه=أغنم من أعنابه وخوخه وتينه
منجوم من ضيّع وقوت الأهلّه=تمضي سنينه ما درى وش سنينه
و من تاه في نصّ البحر واستدلّه=يرجع على الميناء يقود السفينه
و زبدة القيفان دقة وجلّه=با قولها واقطع بشكّي يقينه
عايش وشايف زود خلّه وعلّه=و ياما فريت احبال فكرٍ متينه
حنّا بجيلٍ عجْل محدٍ فطن لّه=فيه البطى محبوس مثل الرهينه
أما كتبت الحلم كتب السجلّه=والا من الواقع تذوق الغبينه
وسلامتكم
الـقـفـيـعـي - جليس الدار
|
شهادتي فيك مجروحة لانك شهادة فخرية للشعر
امتياز وجدارة واسلوب لا اجده الا بصمة جليس الدار (( ماركة حصرية))
لا اجد شي اعبر عنه سوى انك وربي شاعرررررررر