كان فريـــح الهـــرفــــيل بن الخمســـــــــان من الرخيص
يسكن التيم قبل عشرات السنين !!
ويسقي حلاله وقت الضحى من حوض عند مارد الماء بالتيم ....
ومر عليه شخص على ذلوله ..وأسقـــــــــاه ...
يقال : أنه( شيفان الدريبسي) من الثنيـــــــان رحمه الله ..
وسأله فريح رحمه الله : من هم معازيبك؟؟
قال: أنا دوار
قال فريح : تشوف البيت هذاك .. قال الضيف : نعم ,
قال : حياك الله تراك ضيفً لي وأنا أبي أقــصب العده وألحـــقك....
شف المعاميل والقهـــوه جاهزه على النار..
وقاد الضيف ذلوله متجهاً لبيت المعزب
وأثناء سيره كانت البيوت على التيم متقاربه
ورأى الضيف بيت وعنده رجال
وعدل عليهم ,,, يقال أنه يحسب أنه بيت معزبه ؟
ولما إقترب من البيت ...رحب به صاحب البيت ؟ وأستحى لايبدي عذره
بإنه يريد بيت الشخص الذي أسقاه عند الماء .وجلس عند الرجال !!
وكان فريح
يراه عندما إتجه لبيت جاره ,
وذهب فريح لبيته ذبح ذبيحه وقال لأهله : أعملوا لضيفي الغداء
قالوا : هذاك هو عند جارنا ؟
قال: أنا علمته إنه ضيفً لي وغـــــداه عندي ويمكن يعرف جارنا
وإلا يبي يتعلل عند هالرجال
وبعد فتره بسيطه توجه فريح لجاره
وقال له : تفضل الغداء قرب وأنا جاي أبي ضيفي يمشي معي
قـال الجار : هلحين سوينا له غداء ؟
وتعال معنا قال فريح : أنا علمته أني معزبه ومغديه
وهو ضيفً لي ولاوالله يتــغدى عندك يالجار ... وش تقول الناس ؟
( وهذا من زود القصاء )
قال الجار أنا بعد ماأخليه وغداه على النار ....
أنت تبي ( تطالبن ) يابن خمسان على ضيفي
قال : فريح نعم والله لو أقتضى الأمر أني أطالبك والله أطالبك !
ومـاأمشي إلا وضيفي معي!!
وإلا نروح أنا وانت للعارفه اللي عندهم ويقال أنه ( فنيخ أباالميخ ) رحمه الله .
وبالحال ذهبا للعارفــــــــــــه ....؟
وشرحا له ماحدث وقال العارفه : مالك حق يابن خمسان عليه ؟
لإنه نوخ ذلولوه عند جارك...
قــال فريح : بس أنا علمته إني أنا معزبه ؟
قــال العارفه : لك شيء واحد صعب وماتقدر عليه!!
قال: لن أتوانا عنه وقبلت به مهما كان
قال: إذا تقدر تشيل ناقة الضيف من عندأطناب بيت جارك والضيف عليه ماينزل على القاع !!
لمسافة مايقارب كيلو وأكثر دون أن تحل قيده !!
قال: حقي وقبلت .. وخرجا منه .. والكل مستغرب من هذا الرجل وماذا سيفعل ؟
فجعل أصابع يداه في ُأذنيه وصاح ( أولاد الأزمــــــــــل )
ولما حضرالناس وأغلبهم من فخذ الزميل .
قال: العارفه شرط علي نقل ذلول ضيفي دون أن تلمس قوائمها الأرض وش رأيكم ؟
قالوا : (ميزاتك ) ياخوميثاء ووضعوا الأعمـــده تحت الذلول وشالوه فوق رؤسهم وراعيه عليه .
حتى وصلوا بها الزميل بالقرب من رفة بيت فريح...
وغدى ضيفه ..
وهذه تعتبر من النوادر في قمة الكرم والحرص على الضيف .
الله يرحم الجميع ويسكنهم فسيح جناتهم ..
الزميلي من شمر ينقل ذلول ضيفه ..!!
العرض العادي
