ارسلت هذي الابيات الغزليه الى الشاعر والراوي المعروف فواز الغسلان
من باب المازحه بيتي وابينه ولا انا ماعاد اطرق الغزل لاكن سامحوني
هالمره..رد علي فواز الغسلان وكذالك جارنا الاخ الشاعر القدير
مهدي معيوف العنزي......اليكم القصايد
ا قول في قصيدتي
لاوالله اللي لفنـي بالهـوا لـف=لف المكار اللي تلف الشريطـي
ناديت يمه قلت ياصاحبي طـف=نارا توقـد بالضمايـر تشيطـي
تجاهلتنـي ثـم بيدينهـا تنـف=حتن حلقي قام يجـرط جريطـي
اقفت وتشرلي على راحت الكـف=تقـول كلـم هاتفـي يالعبيطـي
وش الله يجابك يكبيـر الملقـف=انا الذي بالبيض مالـي غليطـي
اقفت تغنـج ثـم قامـت تهنـف=تقول روح منـت ليـه محيطـي
وقفت حاير ماقـدرت اتصـرف=صارت علومي كلها خيط بيطـي
فواز ابن غسلان شفنـي منتـف=والجسم صاير من سببها حطيطي
افزع للي دمعه على الخد ماجف=من سبت المجمول لطه لطيطـي
رد الشاعر فواز الغسلان
يالجرهدي مالي بطرد الهوى شف=اللي ذبحني مثل ولد السليطي
والله يلو صفوا بنات العرب صف=في ماقف(ن)مرفوع ماهو هبيطي
مادار جفني من وراهن ولا رف=لو ريحهن بالعطر دلا يعيطي
والله فلا اجزع لاجلهن واتحسف=لو سحرهن بالرمش ماهو بسيطي
عقب العنود ام القميص المخصف=اللي رمتني عقب ماني نشيطي
ياما سهر جفني وياما تكسف=وياما غدى جيبي بليله يميطي
لما غدى عودي عسيب(ن)مجفف=باسباب جرحن بالحشى يستشيطي
ويكفيك مهدي طارد البيض وارعف=لما غدى مثل الحصان الربيطي
مجارات مهدي معيوف العنزي للقصيدتين
يالجرهدي خل العواطف على الـرف=ولاردت شوري لاتشـاور شريطـي
شيبـه ولالـه بالغناديـر مصـرف=والا الكـلام الكـل عنـده بسيطـي
ابوفهد قلبـه علـى الحـب خـرف=ولاقيـل لـه اهـواك ردد ياويطـي
ماهو خضر مثلي ولاشفهـن شـف=ولاهو على حمل التوجـد نشيطـي
شيبه ولاكفه يلامـس لهـن كـف=وياشوف عينـي للعجايـز ربيطـي
والعين لوتاصل سما داعج الطـرف=تلقى العواطف من فرحهـا خليطـي
والقلب من فرقاه ياصاحبـي حـف=راس الماكينه والكلتش فيه شيطـي
وان ردت شوري لاتقرب على الصف=درس الهوى ماهو حزاوي حويطـي
وانسى هوى الغزلان وامازح الترف=وردد مع الغسلان ويطـي ياويطـي
مراد بيني وابين فواز الغسلان مجارات مهدي العنزي
العرض الشجري
