شاعر الاسبوع الاول((الاديب))

نبذه عن الشاعر
الاديب
من مؤسيي هذى الصرح
تاريخ انظمامه الى المنتدى كان في 3\2\2005
اجمال المشاركات 693

له الكثير من القصائد الرائعه

ومنها هذه القصيد اللتي يمدح بها قبيلته وقال

طنايا ونشد التاريخ ، طنايا ونشد الأجيال=صنعنا مجدنا من فعلنا للضيف والغاره
نزلنا في صروح العز ، وعلى روس الجبال جبال=نبيع الروح في سوق الشموخ ونرخص أسعاره
على عسر الدهور زحول ، وعلى ثقل الحمول جمال=ثوابت مايغيرنا يسور الوقت وعساره
سجايانا هلا بهل الركايب لاشْلَهَبّ اللال=كرمنا حاتمي ومهجته لاشاف خطاره
فعايلنا كتبها السيف وغناها الدهر موّال=ألا يا ناشدن عنا سل التاريخ وخباره
ذرا الملهوف لاحدّته عسرات الزمن للجال=نزل عند الطنايا وكل دار(ن) للطنا داره
ذراريهم ذرارينا لهم بقلوبنا منزال=حديهم قبل لا يكفي عياله يكتفي جاره
يدينا عن سموم القيظ صفّت للدخيل ظلال=نزل منا على راس السنام بكامل أوقاره
ولا نغدر بذمتنا له الدم الحمر سيّال=سناعيس المنايا تنتخي له سر وجهاره
لنا ثوب الصخا ملبوس ، لنا عز النفوس عقال=توارثنا كرامتنا سقاها الجد لصغاره
بسوق الموت مهجتنا جلبنا والحدب دلاّل=نبيع الروح يوم أقبل عجاج الموت وغباره
نعدّل من مضاربنا مسير المعتدي لا مال=ركبنا ( غصب لامنّه ) خيول النصر ومهاره
كبار صحون للعاني ، وساع طعون بالمنزال=ركايبنا تجاذبنا تسابقنا على الغاره
وذا مال الدهر ساعه وعادات الدهر ميّال=نشوم وربنا يخلف علينا الدار بدياره
أبد ما نقبل الشينه أبد ما نقبل الإذلال=يموت الشمري شامخ علم ما تنطفي ناره
ملكنا (الميم) ثم (الجيم) ، ملكنا عقبهنّ(الدال)=بيارق لابتي تصنع خفوق المجد وشعاره
أنا مهما مدحت أعجز ودربي في ثناها طال=ولو أثنيت ما أوفي لذكره عشر معشاره
تحيات الوفا والعز... وتحية مجدنا الشعّال=أقدمها عن الأسلم وعن عبده وسنجاره

وله ايضا في الغزل
مايطرب له القارئ
قال في الغزل

لاواعذاب اللي همومه تناحيه=ياقلت : مابان الشفق ؟ قال : توّه
أمشي بليل وضعت في غبة التيه=ضاع الدليله .. والسما غاب نوّه
يبيعني ..وارخص له الروح واشريه=ليه الجفا ياهل الوفا والمروه؟!!
لو كل من ينصح خويه يجافيه=ماظل مابين المحبين خوّه
أقول : هاك القلب وانزل مفاليه=واللي تبي ياعاذل القلب سوه
أصب ماء العين بالكف واسقيه=وعيا على قلبي ليا قلت .. روّه
مديت حبل الوصل من بين أياديه=أقفا .. وخلى بين الأدنين هوه
أشرب هماجه .. ونت تشرب بصافيه=حتى غصوني ماتكامل نموه
قبل(ن) ينادي .. قلت : لبيه لبيه=مثل الخوي اللي مباري سموه
يشد حبل الوصل بالحيييييل وارخيه=أخاف يقطع يوم يسحب بقوه
حرام ليه الهجر ياصاحبي ليه؟=محظور بالسنه ونهج النبوه
تسانك نويت الصد ماني بـ .. ناويه=يبقى سراجك داخل الروح ظوه
ترا صغير السن لازم تراعيه=اعطف على المحتاج عطف الأبوه

قال في اعتذاره عن الغياب عن المنتدى

جيت راعي بيت .. واستاذن !!وكني غريب=نازحٍ عن دار الأحباب ،، لاعاد النزوح
أشهد ان الجرح من سبة الفرقا عطيب=وكنت قبل شهور ماهمني كثر الجروح
أدري أن الناس تجهل تصانيف الأديب=يوم رايات الشواعير بالملعب تلوح
والقمر لابد يظهر ولو طال المغيب=وكل شخص وله بدنياه .. أهداف وطموح
ولا خلطت أوراق شعري مع درس الخطيب=جد وقت الجد ،، وبساعة المزحه مزوح
ون تثاقل حمل الأحمال .. يبرك له هديب=همتي آصل لأقصى مدى وأعلى الصروح
ولا نظرت لمن بنى منزله وسط الشعيب=خايلت عيني لروس الرواسي والسفوح
أعشق الألغاز ،، والسر في غب القليب=مكتنف حولي غموظٍ مخالط به وضوح
أخطي الصيده .. وأصوب على الصيده واصيب=واجمع أمهر من رمى الصيد .. وأعطيهم شروح
والتحيه للنجيفان .. شبّانٍ وشيب=حبهم يزداد كنه على المله يفوح
بيت عز وبيت فزعه ونوماسٍ وطيب=واسمحو لي يالأجاويد .. والطيّب سموح

رساله الى الاديب

اخر مشاركه كانت في
آخر نشاط: 2008-07-06 11:03 AM
فاين انت منا

لكم الود والورد