البارحه فكري توقد شراره

السلام عليكم ورحمة الله وبركاته

اخـواني الاعزاء

لايجهلكم ان الناس انـواع وعلى قولنابهم الطيب وبهم العفن



وقد حـولت تصنيف الناس الانجاس (حيشاكم) والناس الطيبه شرواكم


واترككم مع القصيده واسمحولنا من التقصير او السهو اوالخطاء

فنحن بشر


اخـــ.وكم ....عبدالـرحمن الدهمـشي

..
...
...
....

البـارحه فكري تـوقد شراره=وسميت بالرحمن من كل خناس
والسبه الي يشعلون الاثاره=ومن كثر ما فكرت بالناس الانجاس
اهل الحسد والنمنمه والحقاره=الي خطاويهم على درب الادناس
ماعمرهم يمشون درب الطهاره=وفي كل مجلاسن به الحسدجلاس
وتلقا سوالفهم سـوالف(....)=وكل(ن)على سر الخوي دوم بلاس
ومعندهم كود الفلس والخساره=وعند الشدايد فعلهم دايم افلاس
والا الرجال اهل الكرم والنماره=الي فعايلهم تشابه للألماس
كلن يبيهم جنب بيته جواره=منشان ما يبلش ولايصدع الراس
ولابان ضو الشمس وبين نهاره=تشرعت بيبانهم تدعي الناس
وكل(ن) جلس في مجلسه وبوقاره=ودار القهوجي قهوت(ن) تشفي الراس
ومن بعدها دار الحكي بستداره=عن ما يعرفونه من اقوال الاجناس
ذولا معرفتهم تعادل تجاره=وتكسب معاهم كل طيب(ن) ونوماس