أصـعـد فــخــر بــأثــبــات

أخواني خواتي في هذا المنتدى الشامخ

السلام عليكم ورحمة الله وبركاته0

أضع بين أيديكم هذه القصيده وأرجو أن تنول على رضاكم0

وأشكر لجنة حفل برغش الطوالة المقام للخال حمود بن طوعان0لقبولهم قصيدتي ضمن القصائد المشاركة بالحفل0
علماً بانني لم القي القصيده مع شعراء غيري لضيق الوقت0

وأخص بالشكراللأخ/سعود بن مسير الطواله

أبدا بذكر منزّل الحق تنزيل= ناصر محمد في بدر والصحابه
حمى الحرم من كيد صطوة هل الفيل= نرجيه عفوه ثم نخشى عقابه
وسلام ياجمع الكرام المقابيل= عن أولاد سيف أقولها بالنيابه
أبو فهد خالي بعثلي مراسيل= مع وافين علم المروّه لفابه
ولامن عذر يامقدّمين الفناجيل= يكاسبين المجد ماهي غرآبه
شهامة أطوالات من ماضي الجيل= لعموم شمّر عز درع(ن)عصابه
ضاري قفل باب الزعل وأعلن الشيل= لفاء على السوداء ونقوة ركابه
مشهور مسطور الفعايل على الخيل= معروف وأفعال البشر ما تشابه
وحان المجال وصار لشّرح تفصيل= عن قصّةٍ كلن سمعها وحكابه
قصّة شرف تنعد بين الرجاجل= يفخر بها الطيّب من أيّات لآبه
زيزومها هذا البطل موفي الكيل= حمود بن نايل شموخ ومهابه
مثل الجدي به يقتدون الدواليل= منبع فخر راس المراجل جنابه
وفيت وكسبت الثناء والتنافيل= مع جارك اللي للكرم فكّ بابه
وأخوانك زادو صايب الراي تجميل= حمدان مع غنام نخوه وثابه
وغانم وحمد ناصحين المداخيل= وعايد وعيد أهل الوفاء والذرابه
وبوبدر ما سار درب المهازيل= ذاك البطل نايل شموخ أعتلآبه
نايل بن طوعان جزل المفاعيل= خمس الخصايل نالها في شبابه
دين وشجاعه والكرم له معاميل= وحلمن وراين صاملٍ يحتذابه
عساه بالجنة وخير المنازيل= بأمر الذي بيّن محمد كتابه
وقت العناد ينكّل الخصم تنكيل= وعلى صديقه مثل خير السحابه
في بندقه فك أمهات المخاليل= يوم الزمان اللي كثير القسآبه
من أولاد صقر وسجّل المجد تسجيل= أسود غابن ما سكنو وسط غابه
على ظهور الصافنات المشاويل= ويثبّت التاريخ صدق الأجابه
أبيوتهم ترفع شمال الغراميل= فيها الشحم لضيف وأيضاء الذرى ابه
ما بدّلو عن سلم الأجداد تبديل= ويحمى دخيل ابيوتهم يالجابه
والجار له حشمه وقيمه وتدليل= ولآمرّهم طرقي يزوّد زهابه
الله يسقي دارهم من هماليل= سحباً تساوق عالم الغيب جابه
من قبلي الأسمر لشرقي مكيحيل= وذاك المكان اللي مرياً خصابه
وياتاج راسي يابعيد المواصيل= يالخال فعلك فوق شامخ هضابه
سلمى وجاء وحبران ويننت ياسهيل=ورمان جزل المجد بان وبنآبه
أصعد فخر بثبات ماهي بقاويل= والحر مثلك يالبطل ينهقآبه
أقسم برباً حل كربت سماعيل= أنّك سنام العز سلّت نصابه
تعيش ياراس الرجال الحلاحيل= ياكاسب الطوله بحزم ونجابه
بيدك زمام الحق وأجريت تعديل= من شان فالح ما يتكابر صوابه
تقول مبغاء جارنا يسهر الليل= صبرك جبل يصعب على من رقابه
طمّنت ابن عمود سلالة هذيل= أرخيت حبل(ن)حان شد أكترابه
ذللت صعبات المهمات تذليل= تنازلك قليل مثله مشابه
لله ربّك رب موسى وجبريل= مهو رضى لشيخٍ وأميراً سعابه
لإنّك جزيل أفعال وأساسك اصيل= حلّمك بدمّك ما كسبته كسابه
للجار أعذب من قراح الشخاليل= على الكبود اللي عطشها صطابه
أهل الركاب اللي تخاوو على حيل= بالقيض والصملان طويت وغابه
مع سهلةٍ بس القطاء له دحاميل= تقطع قلوب مهرفلات الذيابه
والجار منّك ما شكا ذرّة الميل= لطفٍ وعطف وزين بال وحبابه
يقلط على حيلٍ ويقلط على هيل= وصيّة الهادي أخذت احتسابه
مهادي زمانك يازبون المشاكيل= طلبك غفران الكريم وثوابه
بهذا الزمن وقفتك ما مثلها قيل= وهذا السؤال اللي عرفنا جوابه
بين القبايل صارله شبه تحليل= لآنت قلوب معقّدين الطلابه
نوّرت بوجيه الكرام القناديل= عزالله انّك قدوةٍ يقتدابه
تراجعت ناسٍ قلوبه مغاليل= من دربك الواضح هل الطيب طابه
فتحت بيبانٍ بضبّه مقافيل= مضرب مثل كلاً قرآه ودرابه
يالخال لو قلنا جزال التماثيل= بشخصك قليله يا عزيز النسابه
وصلوا على من جآه بالغار جبريل= شفيعنا بيومٍ شديداً حسابه

أخوكم/مانع حسن الخريصي