ياهم حالي هم لاطال لازال // بقلمي .,

بسم الله الرحمن الرحيم

السلام عليكم ورحمة الله وبركاته

ياهم حالي هم لاطال لازال = لا راح لا فارق عسى مايعودي
لا عاد وضعه بين الاضلاع سلال .= ونا اشهد ان الهم هذا يهودي
يسعى يعاود يم قلبي ويجتال = مثل اليهودي بس ماهو شرودي
يبقى يقاوم يقتحم ( راحة البال ) = يرثع يرود اعضاي يرقى سنودي
يلعب كما لعب الوزارات بالمال ! = يشلع هواجيسي ويشعل برودي
بالرغم من فعله وانا ثابت الحال = يالهم تبطي يالعدو اللدودي !
اللي لحبة في حشا الروح منزال = حلفت انا غيره حشا مايسودي
ذكراه واكراه الفكر فيه شغال = أحاول انسى بس مهناش فودي
حلياه عيني مالحلياه يارجال = ماشفتها مع ناقضات الجعودي
الجادل السادل شعرها مع الشال = أبيض من الصفحه بياض الخدودي
أطول من ام قصور واقصر من اطوال = مابينهن لافيه نقصن وزودي
مجنونة التوصيف يا(حبة الخال ) = الي على ( الشفه ) بوضع القعودي
العين ساحه واريش العين قتال = واما الهدب حارس لقتلي يقودي
الموت لمعة من خرز عقد سلسال = والعقد راسه طاح بين النهودي
ماكل من يهوى على مطلبة نال = بس اتمنى لو زمانة يعودي
حطت على قلبي تفاسير واقوال = تمكنت مني ورست حدودي
بالحب حده جاوز الاف واميال = والا الوكاد الحد حد السعودي
وحياة منزل المعارج والانفال = منساه لين البيض تنشاف سودي
منساه لين الناس تهرع وتهتال = من يوم تظما فيه كل الكبودي

وسلامتكم ..

اخوكم
نايف الربع
: