رد الشيخ متعب ابن طواله على قصيدتي(ياأبن طواله ياحفيد السلاطين)

السلام عليكم ورحمة الله وبركاته :

أما بعد فلا أخفيكم اخواني واخواتي الاعزاء بهذا الصرح الشامخ .
بأنني قبل فترة قريبة أسندت قصيدة لاخي العزيز الشيخ متعب أبن طواله
وتم طرحها حصرياً بقسمنا هذا.
وقد حظيت بالرد من الامير أبوفارس حفظة الله وانه لفخر لي ولكل شاعر
يحظى بمساجله مع ابو فارس هذة القامة الكبيرة حيث انه من قبيلة عزيزة
وشيخ من اعيانها وحفيد شيوخ فأليكم رد الشيخ متعب وتقبلو تحياتي

اهلاً عدد ماقيـل لبيـك واميـن = واعداد ماجاد الصخي من خصاله
واعداد من سارو بهـدي النبييـن = وعد المناصب والرتب والبطالـه
يامرحبابك يا سلايل هل الديـن = واهل الشجاعه والكرم والشكالـه
ذباحة الحايـل لربـعٍ مجيعيـن = لطامة العايل اليـا صـار قالـه
اهل المهار اللي عليها الغلاميـن = لقمة مصاريعه ومسـت حبالـه
تردي على سود الحذى بالميادين = قامـة تعقـد للطـرد والبسالـه
يوم العلـوم الاولـه والاكاويـن = تاريخكم روس المراجـل رقالـه
واليوم حنا تحت حكم المسميـن = حكم السعود اهل الكرم والعدالـه
سارو على سنة محمد وياسيـن = نور الهدى يطرد ظلام الضلالـه
ومن بعد ذالك حاضر ومستعدين = رقم المبايل ياصلـك بالرسالـه
امر وبمر الله يجي عسرها ليـن = بالجاه ولا تنقظـي لـك بمالـه
ربك هو اللي يفرج الظيق ويعين = فزعاتنا من جـود راع الجلالـه

وصـح لســـان الشيخ: أبو فــارس وأشهد أنه كفــو يقول ويطول والسلام خير ختــــام..