لاتشرب المالح يغثك هماجه

الله ياقلب ن غدى منه نصه= ويصد لو جاله ورى الناس حاجه
ما يلتفت في حا جت ن ما تخصه= والهرج فا اللي ما يخصك سماجه
وليا أرتخا حبل أقرب الناس قصه= نفعت ضعيف الراس ضحكة حجاجه
أما غدالك داخل الحلق غصه= ولا غدى جرح ن صعيب ن علاجه
وأنكان ما فا الحي عينآ مبصه= لاتسكنه يعميك ناعم عجاجه
ولاتلبس الخانم ليا طاح فصه= ولاتشرب المالح يغثك هماجه
وأبنك على درب الرياجيل وصه= حتى يميز مدخله من خراجه