{ يالشايب اللي مشعلٍ راسك الشيب }

بعد السلام وأجمل عبارات اللقاء والاحترام

مساء / صباح الخير والرضا والطمأنينه

كل عام وأنتم بخير

وعيدكم مبارك جميعاً




أبيات من الجديد


خارج الإطار أرجو تمريرها كما هو في ظاهر تعبيرها وقبولها كما جاءت

يالشايب اللي مشعلٍ راسك الشيب=من عادك (ا) صغيّر رداة و رخامه
مفلس من الثنتين دين و مواجيب=والضعف بعيونك مبنّي خيامه
ما فزت من جيل الأوائل بتهذيب=و لا حزْت في جيلك مقام الزعامه
ما غير في دارك تلمّ العذاريب=و تمْلى من الخَيْبَه خياش الملامه
ما ظنّك ابتصلح عقب ذا التجاريب=و عيبك على الستين يَكْبر سنامه
و خاب الرجل لا صار يكْبر على العيب=يقْضِي حياته دون مَجْد و شهامه
الطيب مَنْجَم جود يحتاج تنقيب=ما هو هبوب (ا) عصير يدفع غمامه
و رجلٍّ تخفّى (ا) مْن الحياء خالي الجيب=ماله على دنياه غير العمامه
أخير منّك يا خليط المشاريب=ياللي على ضيفك كلامك قمامه
يحْرم علي فنجالك و كل ما تْجيب=و بنّك وهيلك مستعيفه كرامه
وعسى القدر ما يْجيبني لك ولا ايصيب=البعد عن مركاك عزّ و سلامه

وسلامتكم


بقلم أخوكم