عدنا وان شاء الله يكون العود احمد هههههههه
حمود تعال
هالحين احداث قصة الضياغم والسلطان مارد والمعركة هل حدثت بالاسياح باطراف القصيم؟؟؟
والا بالجوف باطراف دومة الجندل؟؟؟
الغريب انه فيه قصر مارد بكل المكانين يعني قصر مارد بالجوف وقصر مارد بالاسياح!!
<< ابلش بلك سؤال محير
من اشعار الضياغم:
أرادوا الضياغم التوسع ومد نفوذهم حيث كانوا يسكنون جنوب الجزيره العربيه قال أحد شعرائهم:
في واديٍ ضاق بنا آل ضيغـم=صغيرٍ ونرجي من وراه الزوايد
من أسفله نجد الجمـاد يحدنـا=ومتعلق بأقصى القعوم الفرايـد
جاهم سيل وكانت عواقبه وخيمه يقول احد شعرائهم:
غدا بآل عبد الرب بـراق ليلـه=يحت الحصا من عاليات النوايلي
فذا مربط الدهما وذامربط القنـا=وذا ملعب الخفرات سمر الجدايلي
وفي نفس المناسبه يقول الامير/ عرار بن شهوان بن منصور الضيغمي:
قامت تهل الدمع مـن شـد مابهـا=ولانيب من ذولا وذولاك شايـف
اقمنا زمـان ثـم جانـا زفيـره=يدرب الحصا من عاليات المشارف
ويجذب عش الطير مـن مستكنـه=ويفرق طربات الحمـام الولايـف
غدا بالصبايـا والسبايـا والقنـا=وبالدرق الحوتي وزين الكلايـف
وغدا ببنات من بنـي آل ضيغـم=رهاف الثنايا مدمجـات العكايـف
يقول عمير بن راشد بن منصور بن ضيغم لما أراد السلطان مارد ان يطلق زوجته
ميثا بنت شهوان لجل يتزوها فأبا ذلك ودارت معركه انتهت بهزيمة السلطان مارد وانتصار عمير وربعه:
حدا علينا الـروم قطاعـة الثنـا=غادي الجـدا يسألنـا بالذهـاب
يجيب الترك لنا من غيـر ودنـا=ولـو علـى صـم الصفـا ذاب
يبون ميثا نقـوة مـن حريمنـا=وانا أقول بها خـزوة وعتـاب
لحقونا يبون ميثا غصبـا علينـا=ودون ميثا صبيان تسن حـراب
حنا خمسة فوق خمس يا آل راشد=أهل خمس مانثني لهـن ارقـاب
يقول عقيل بن راشد يوصي أخيه عمير بزوجته ميثا خيراً لما حصل خلاف بين عمير وزوجته
وبالفعل استمع عمير لشور اخيه عقيل:
نهيتك عن ميثا وعن ما يغيضها=كني لما يجري عليك عـروف
انا اقول لـك ميثـا لا تخليهـا=لا بالعذارى ما مثلها وصوف
عبيديه والأصل من آل ضيغـم=تطوي على غي الزباد عكـوف
قصيده عمير بن راشد :
ما النـاس الا مـن بنـوك ومعـادن =وماطاب من بنـك المعـادن طـاب
عمى الراي مايجري له الطب والـدوا=عمى الراي مـادام الغـراب غـراب
شيخ لنـا يمشـي علـى مايضرنـا=وهو بالعيا مـن يـوم شـب وشـاب
يامر علينـا التـرك تاخـذ حريمنـا=وانا اشهـد انـهـا بلـشـه وعــذاب
يبون ميثـاء نقـوة مـن حريمنـا=وانـا اقـول بهـا وعـار وعيـاب
لحقوا يبـون ميـثـاء غصيـبـه=ومن دونهـا غـوشٍ تسـن حـراب
تـرا كـل جيـران لبـاب لجارهـم=وياعـنـك ماجيرانـنـا بـلـبـاب
تقول ميثاء ياهلـي ارخصـوا بـي=على التـرك لايغـدي لكـم برقـاب
يقـول عقيـل لـو ذهبنـا وخيلنـا=علي الرفـق مايصـك دونـك بـاب
حن خمسة هل خمـس يـال راشـد=اهـل خمـس مانثنـي لهـن رقـاب
ايـلا رقرقونـا والحقونـا ظعـنـا=تهايـق لنـا تحـت الحنايـا عـذاب
ينـخـن ياساميـنـا عارفـاتـنـا=بحساس من تحت العجـاج صـلاب
لكن اذيـال الدهـم دهـم ال راشـد=هماليـل صيـفٍ مقتفيـه سـحـاب
وانا كما حابس المـاء لى اقفـن واقبلـن=والا مـلـم الشروتـيـن حـجـاب
اول مايثنـي عقيـل ولـد والــدي=وسلكان وزبـن الجاذيـات حجـاب
والخيـل لاسمعـت عقيـل ترايعـت=تريـاع سيـل فـي محيـر رغـاب
وامـا عقـيـل فخيلـنـا تلتويـبـه=كمـا حجـل ليـد تلتـوي بهضـاب
تهيا لنا عنـد ابـرق السيـح عركـه=تمنى بها حضـار الرجـال غيـاب
وتناطـح حميـدان بسلطـان مـارد=وتهيـا لـذا مـن كـف ذا صـواب
ومـده حميـدان بشلـفـا سنيـنـه=عرينيـة تـودع الـدروع خــراب
وضرب حميـدان بعـودٍ مـن القنـا=وحول على البيـداء ثـلاث كعـاب
خلي بحد الدمث عن الرمث والغضـا=خلـي بقويرات الصريـف مصـاب
ولا ينفع المضيوم كـون بـن عمـه=ايلا عض به من غيـر نابـه نـاب
يلومونـي وانـا علـى زغوغـيـه=حولـيـة ماضـريـت بـالــداب
جدعي على البـيداء ثمانيـن مسمـي=والا العـواري مالـهـن حـسـاب
واسـل سيـف الهـنـد والكـدبـه=ماينكـس مـن الـروم راد جـواب
كلـه لعيـنـا جــادل تنتخيبـنـا=اللـي تمـاري بفعلـنـا الأجـنـاب
والا لعينا كـل وضحـى مـن ابلنـا=نرعى بها جـوس علـى الأصحـاب
انا وان قضبت السيف بالخمس لاتخف=على الجمع لوكان الجمـوع هضـاب
اضف السبايا بالسبايـا الا اوجهـوا=كما ضف حضـروم الفهـود كـلاب
انا شوق ميثـاء عميـر بـن راشـد= واورد طعـونٍ مالـهـن حـسـاب
انا جامـعٍ قصـر ببصـرٍ بمرجلـه=وترا قصر زولي للرجال عذاب
وانا كمـا شعشـاع النجـم لاهـوى=على هضبة يـودع حصاهـا تراب
ا
نا شوق ميثـاء عميـر بـن راشـد
انا طـول عمـري للرجـال عـذاب
انا جامـعٍ قصـر ببصـرٍ بمرجلـه
وترا قصر زولي للرجال عذاب
^
^
عزالله انه قول يتليه فعل
تحيتي