تاريخ شمر

قصائد في تاريخ شمر :


https://www.google.com.sa/search?q=%...w=1440&bih=784


http://www.allshmr.com/vb/showthread.php?t=70083

 

 

 

 

 

 

 

 

 

 

هذه هي الملحمه الشمريه الرائعه للشاعر عبدالرحمن عادل الشمري ولو اكمل الشاعر ذكر فرسان وشيوخ شمرازدادت روعه على روعتها

قـال الـذي ينظـم بديعـات الالحـان= أبيـات شعـر صاغهـا مـن ضميـره
مثايـلـه در ولـولــو ومـرجــان= وحقايقـه فـي عـز مجـد العشـيـرة
لـي لابـة يـوم اللقـى شانهـا شـان= عـز العميـل وضـد وجـه المغـيـره
كانـو ولا زالـوا للأمـجـاد عـنـوان =هـل الوجـيـه الطيـبـة والسفـيـرة
شاهدهم التاريخ مـن ماضـي الأزمـان= قلـيـل مـنـهـم والاوادم كـثـيـرة
غـل لكبـد المعتـدي ســم ثعـبـان =غلـبـا ولا دارت عليـهـم كسـيـرة
شمر ليا غطـى سمـا الكـون دخـان= لهـم الطويلـة مايـبـون القصـيـرة
من صلب حاتم نسـل حميـر وكهـلان =مـارددت صلـف الـريـاح تحفـيـره
أبين مـن النجـم الشمالـي ليـا بـان= واشهر مـن اللـي بالسمـا مستنيـرة
لـه فـارق مابيـن حضـر وبــدوان =الطيـب واحـد والسمـيـه خشـيـرة
من قلب نجد وبصمـة الوقـت عنـوان= يـامـا تـطـب ديـارنـا بالجـزيـرة
كـل ديـرة فيهـا لنـا نـزل واعيـان =وان لحـت الدنيـا لنـا كــل ديــرة
مرويـن مـن دم العـدا كـل عطشـان =السيـف معـنـا مايعـرفـه جفـيـرة
ماهـو ردى سبـع القبايـل وحقـران =كلـن ليـا هبـت لـفـح زمهـريـرة
لاقسمـوا حـق النشـامـا بمـيـزان= حنـا لنـا حـق العقـيـد ووزيــرة
هـل الطنـا غلبـا سناعيـس يمنـان =زهـيـد لادق البـعـيـر بـهـديـره
هل اللحيسه لادبـر الوقـت وان شـان =راهيـن وكبـار المنـاسـف نـديـره
لنـا علـى الـردات عـادة وديــدان =يامـا يسـوق مـن البشايـر بشيـره
عبده وسنجارة والاسلـم هـل الشـان= ربعـي ليـا شـح الزمـان بغـديـره
قبـايـل مـنـا شـيـوخ وفـرسـان= خضنـا بهـم جـم البحـور الغـزيـره
منا العقيـد الصيرمـي طيـر حـوران= فارس ولا عرفـوا هـل الجـود غيـره
ابـو المحمـد مثقـل المـزن هـتـان =يالله عسـى ماتنقطـع لــه بـذيـره
ومنـا بنيـه لا ارزف الجمـع دنـدان =كم مـن عشيـر فرقـه عـن عشيـره
نعم بابـو عبطـه سعـد كـل بلشـان =الشيـخ زيـزوم الجـمـوع الكثـيـرة
وصفـوق وان قيـل المحـزم بليهـان= يثني ليـا بـات الـردي فـي حصيـرة
وعدة لأبـو خـوذه ربيـع السـوادان= عبدالكريم اللـي كسـا النـاس خيـره
وتل اللحـم وسميـر واسعـد وزيـدان =ومسلـط ليـا جـار الزمـن نستجيـره
وفرحان والعاصـي ومطلـق و وطبـان= ويكفيـك بالهـادي جنبهـا وامـيـره
وان جيـت لليـاور لنـا فيـه نيشـان= مـادار فـي وسـط المحاكـم يـديـره
واللي عتق شمر عن المـوت مشعـان= مرسـل لبـغـداد العـذيـة سفـيـره
جربان من جربان من سـاس جربـان =شيوخ الجهامـة والسلـف والمسيـره
نعـم بهـم لاشبـت الكـون نـيـران =يملون مـن حجـر المعـادي حجيـره
ومنا ليـا عـدوا هـل الفعـل فهـران =جديـر بالفرسـة وهـي بـه جـديـره
ياجاهـل الصـيـداد ينبـيـك بــأذان =خـذ الخبـر لامـن لفـا بـه خبيـره
يعطيـك مـن ميـزر لمالـك لكنـعـان= لإخـوان رفعـة والصيـارم خطـيـره
ومنا شهوان الضيغمـي طلـق الايمـان= له سيـرة مالـه مـع النـاس سيـرة
ومنا عـرار الخيـل للغـوص سلطـان= ومنـا الشجـاع عميـر اخـو عميـره
وعبيـد قــواد السبـايـا بـالأكـوان =ابـن رشيـد اللـي سواتـه كبـيـرة
هان الصفا من ضرب صرخـه ولاهـان= ماطـال مـن كـف بتـر لـه جريـره
ومحمـد المهـاد مـروي شفـا الـزان =مـاداس مـن جدبـا جعلهـا خضيـره
ومنا الجنـازة يـوم روغـات الاذهـان =تبـرك ملـوك المـوت مبـرك بعيـره
ماهـاب مجلـول المهـابـه كحـيـلان =يفـوح مـن طيـب الضياغـم عبيـره
يشهد لهم قصـر الاعيـرف وبـرزان= ومن سيـس الاولـى طلـع بالأخيـرة
وابن علـي راعـي الطويلـة بعيجـان= سمـن العرابـي منخلـط بـه بعـيـره
وان قيل ابن ماجـد تناهـض عقابـان= ابـن عجـل سيـل الربيـع ومحيـره
وابن سعيـد مشبـع الذيـب سرحـان =مغنيـه يــوم ان القبـايـل فقـيـره
ومنا المسمـى بالعـرب ابـن جبهـان= شبـرم زبـون الوانيـه المستنـيـره
والقرم ابن سوقي على المـدح زافـان =مافـات مـن ورده لفـا بـه صديـره
وابن جدي راضي وابا اللميـخ فنخـان =وطـلال ابـن غـازي كعـام المغيـره
ومنا ابـن هبـاس كـان اللغـا شـان =علـى العـدو دابـر رهيـب صبيـره
ومنا ابـن نهيـر نـدا وابـن جـروان= هـل النبـا المعهـود واخـوة منيـرة
ومطنـي ليـا دور رح المـوت طنيـان= يذري علـى روس المعـادي ماتذيـره
وابا الوقي وعبدالكريـم ابـن سبهـان =واللـي نكـر حـق الطليعـه دبـيـره
وكذلـك الجبريـن لا حــان مـاحـان =عـدوهـم ماينـعـرف وش مصـيـره
واقول ابـن عـراك والشيـخ زيـدان= ويكفيـك ابـن هثمـي مجـار وجيـره
ومنـا دغيـم صـار للطيـب مـيـدان =لا شحـت العسـره جعلهـا يسـيـره
وابن برع وابن المعبهـل لهـم شـان =وابـن مصيـول بالليالـي العسـيـره
وان قالـوا التميـاط نعـم بضـيـدان= طيـر السعـد بالجـو محلـى مطيـره
واثنـي علـى سمـي سميـه وراكـان= وبرغش كعـم اللـي يتناشـر نشيـره
وزيد وسند من خلقـة الربـع تومـان =ومن ذلـل البكـره عقـد بـه ظفيـره
ويعيش ابـن عايـش ذرا كـل جيعـان =يعطـي العطايـا ولا يخـلـي ذخـيـره
والحثربي ويا الحـدب وابـن عـردان =وعندنـدح التجغيـف يـا وي سـيـره
ومنا ابن زويمـل فهـد وابـن رمـان= وكذلـك الامسـح علـومـه سفـيـره
ومنا العجـرش مـن عدامـا وهيشـان =وشويـش نعـم فيـه عـز القصيـره
وابـن عبيكـه والعبكلـي وغضـبـان =وسفاح وابن هذيـل شـوق الصغيـره
ومنا الطويـل اللـي يوصـف بشامـان =وابـن غشـم ضـده حياتـه خطيـرة
وابـو وتيـد ليـا شـهـر والثنـيـان= وابـن دهيثـم والمحيـثـل جـديـره
والموعـدي ومنيـس وابـن الهبيكـان =وابـن رخيـص ليـا تكتـم غبـيـره
والقرم ابن دايس علـى العـي عيـان =يركـي علـى كبـد المعـادي سعيـره
وابن الشلاقـي والشريعيـب شجعـان =وابـن صخيـل ومـن يقـرب لبيـره
ومنا ابن سويحل عـن الضيـم مزبـان =عايـد تــرا والله مايطـيـر طـيـره
ونعم بضـاري واخـو فلـوة سليمـان =ابـن محمـود الفيضـة المستـديـرة
والشايـب جنـاع القعيطـي ذويـبـان =اللـي مثـل هـزر الأوافـي هـزيـره
خلايف اللـي هيـس الـروح زعـلان =ماعرقلـه عمـه نـوا لـه شـويـره
هايس ليا مسـت مصاريـع الارسـان =يـرد الخطـر قبـل يجـي لـه نذيـره
وحمـود ابـن بقـار نعميـن يافـلان =كريـم سـبـلا والعـطـا مايضـيـره
والفعـل لعيـال الـطـوالات بـرهـان= طـب النفـوس المخبثـة والحقـيـرة
نعم بهـم مـن دور برغـش وعـدوان= والحودلـة حـودل جـمـوع كثـيـرة
وضاري اخو صلفه ومثلـه فـلا كـان= عـز السبـاع الجايـعـات ونصـيـره
ومنا ابـن عيـاده لا اطريـت صديـان= وفـواز ابـن سـراي ذرب المسيـرة
ومنـا ابـو قريبـان ياقيـل جـدعـان =حمـاي عجـلات الدبـش بالظهـيـرة
وذيـاب واللـي غالـط فيـه غلطـان =على الصحـن لـولا الحيـا دق زيـره
وفنيطـل الوجعـان للكـون وجـعـان =يـدي مـن رقـاب النشامـا نحـيـره
وكـردي ليـا مـن دوروا فيـم بيكـان =وهيكل نظيـر اللـي تعومـس نظيـره
وجديـل قرنـاس الـهـوا والدلـيـان= عدوهـم بالكـون حـاسـوا مـريـره
وان قالـو الكتفـان مشـرف ووبـران= وتيـرة والطـيـب معـهـم وتـيـرة
وراعي الجوار ان قلـت منـا وهيهـان =مشـوط صعـوط الصبـة المستطيـرة
وثانـي اخوسـارة ولالـه معـه ثـان= سعـد الوجيـه العابسـة القمطـريـرة
ومنا البرازي وهـو تـروس بزبـلان =ودليـم زافـور السريـحـي زفـيـرة
والمايحـي وابـن بشـر والعنـيـزان =والفاضلي وابن كفـش عـن عشيـرة
وطارش وابن عجرف وابن نمر عرسان= القافلـة بـأدنـى حديـهـم غـريـره
ومنا ابن سبيه ونعـم وابـن خدعـان= يكـفـونـا بـعـدونـا مـانـعـيـره
وابن شفق راضي وصـرد واللبيخـان =وابـن بريطـم والصقيهـي نظـيـره
ومنا البدر وابن بدر وابن مروب جعيدان= وابن لويـش القـرم واخـوة سويـرة
ومنا ابن مغامس وابـن نيـف ذيبـان =غمـر المراجـل والثنـا هـم غميـره
ومنـا القديـري والمجيحيـم وسنـان= وعظيـب والزمـاي وابـن القطـيـره
وراعي البويضا لا حضر وابن نفجـان= وشخيـر البصـري وغيـره وغـيـره
صيـارم تهتـز لـه سبـع الأركــان =خالين مـن عـرق الدنـس والمعيـره
هذا ولا قصـدي للـي غيـر نقصـان = كلـن علـى حقـه سيوفـه شطـيـره
ومــادام تـيـار الأوادم لـيــا لان= يظهـر مـن كبـود العـذارا بـريـره
وتمـت قصيـدة قايلـه ابـن راكــان= يفهـم لـغـاي مفتحـيـن البصـيـرة

 

 

 

 

 

 

 

 

 

 

قصيدة شايع الامسح الرمالي الغفيلي الشمري، المشهورة والعائدة إلى ما يزيد عن 300 سنة ويتحدث فيها عن أصول وتاريخ قبيلة شمر عامة و"الغفيلة" و"عبدة" خاصة، ويعرّف ببعض الأحداث الكبرى في تاريخ أبناء جبل شمر - حائل - وتاريخ العلاقات بين عبدة وزوبع(سنجارة وزايده) وبين شمر وطيء.
نص القصيدة (72) بيتا:

قال ابن مرداس فتى الجود "شايع"
أشوم كما حر المَرَاقب شام
أشوم عن السُّفلى وأنزل بالعلا
وأنا بالعلا من سابق وقدَام
لو كل من أراد المراجل يحوشَه
تلقى بها فروخ الدجاج نيام
أنا من هل "الجبلين" من روس "شمر"
عن الوَدِي عاصي ما علي حَكَام
يا جانن قولٍ من "الشريف" تركته
ما لك عليّ يا "ابن الشريف" لزَام
حنَّا قدايمنا نْعيِّي بْـ حقنا
و حنَّا للعيّ العنيد زْقام
وحنَّا هل المعروف والمجد والفخر
وحنَّا للجمع الثقيل كْعام
وحنَّا هل البيت الرّفيع بْـ "شمر"
وحنَّا بالبيت الرفيع دُوام
وحنَّا "غفيلاتٍ" وأصلنا بعالي العلا
لنا بتاريخ الجدود مقام
وحنَّا هل المنسَب عريبٍ ساسنا
علاكمٍ من ترثة الأكرام
وحنَّا ليا جانا العيا من ضديدنا
نسقيه من كاس الضرام حرام
وحنَّا ليا كادت صبرنا لْـ كودَه
قول يْخلَّد للجدود.. عَلام
وما دام راسي باقِ في ذاري الهوا
والخيل فيها سبَّقٍ وعْرام
والسيف هو والشلف والرمح والقنا
تُعبى لْـ يومٍ فيه كرب حْزام
جانا "الشريف" بْـ جَمعةٍ هزَّت الوطا
يا ما على كل القبايل حام
و حدَّر يبي منَّا مثل ما خذا
و واجه "سناعيسٍ" عيال كْرام
تسعين ليلة بين جَمعُه وبينهم
كن الضحى يكسي ضواه ظلام
كنا شمال "البيْنة" غربي "اللوا"
وجانا نديبٍ ما وراه مقام
ومن حلّ راح لرسلهم وندبوا لنا
جينا "الطنايا" بالعِطَف أكوام
سرنا وجيناهم على فجَّة الضوا
وأضفى على "بيظٍ" ظلام عْسام
صحنا عليهم صيحةٍ تقضي الغَرَم
بمصقَّلاتٍ ما بِهِنّ لْحام
و فلَّت بيارقهم وهاجت جْموعَهَم
يَرْدُون حوض الموت وِرْد حْيام
"بيصٍ" تولى كرَّهم ثم فرَّهم
و دلَّى يوجّه للجموع نظام
و دارت وقسَّمنا مواقع جموعنا
و ذبح النوادي بالجموع شْمام
"عبدة" يمين وكل "زوبع" يساره
و صُلنا بْـ ردّه والرجوع حرام
و تعاقبت حمر المزاريق بيننا
يما غَدَت راياتهم حطام
"بيصٍ" صرخ في عزوته واعتزى به
و تواردوه أهل البخوت قوام
وأقفى "الشريف" مْخايلٍ عن ديارنا
أقفاة مزنٍ والجموع هْزام
"شمر" ليا من العدو جاه بالعدا
ردّوا على راس الحريب ردام
"شمر" هل العليا حِمَى الدَّار والحَرَم
ولنا بْـ طول النايفات مقام
لنا صولةٍ تخضع لها "الروم" و"العجم"
ولنا مقامٍ من سنين قْدام
ولنا بها من نسل "الأشراف" عزوة
من دور "عرّاب المياه" سنام
و حَدَرنا من "الفوران" و "جبال مكة"
على اللين والكايد نحط رْكام
ونزلنا بْـ"وادي السرو" في ذارع القنا
يوم أدبحت عنا خيول ظلام
وجانا من "أولاد العم الجنوبي" سربة
معهم من أولاد الخوال.. عَمام
ضياغمٍ" يافون يا حلّ الوفا
من دور "يدع" إلى "ملوك آرام"
ومن راد يعرف من نسبهم حسَبْنا
لنا بتاريخ الملوك عَلام
لنا في "رم" و"الحجاز" قدايم
ولهم بْـ"مأرب" ذروة وسنام

حنا ملوك الغرب بذَّالة الصخا
نركي على كبد الحريب وَخام
من "المطّلب" حنا على راس ما نبا
وقبله جدودٍ ذروة وسنام
أخذنا من "العرَّاف" جمٍّ و جمجمة
والله له بالشايِتين مرام
منّا عدد عشرة وعشرة هم الذي
خاضوا غمار الموت والأوحام
بني عمٍّ ما بهم ناحي النسب
وحنَّا "بني هاشم" من الأكرام
وهم عشرة واثنين ما يزيد عدَّهم
من جدّهم "كهلان" روس أقوام
توارثوا "طيٍّ" على الجود والثنا
رْفاع المَنَاسب من موارث "لام"
تعاهدوا معهم على البرّ والوفا
لكن دوَّار العيا ما نام
على "شمرٍ" قهر العدا من جنوبه
وعلى "طي" تقديم العروض خَدَام
وتخالفت عمسات الاريا بينهم
يَمَا وقع بالصفّتين قِسام
و صالوا على من خان في "طيّ" بالعَهَد
"شمر" واللي يبي العَهَد قوام
ثلاث سنين جدودنا حاربوا به
يَمَا غدت حِدب السيوف ثَلام
يدعون "ويسٍ" كل ما صار نايبة
سبحان من نورَه يصير ظلام
حتى بعث بالحق من بيّن الهدى
بدَّل ظلالة "ويس" بالإسلام
وجانا من نسل "الشريف" "ابن محمد"
أوي والله بالوطيس غْلام
وأثنى على "شمر" وفوا له بعهدهم
وأصبح لْـ روز الجَمعتين مشام
هاذي معالينا وقصّة جدودنا
ويصير للروز الثقيل وْلام
وأنا "ولد مرداس" زيزوم لابتي
يا حل عند الشايتين قْحام
تولّيت ما لا لا تولاه غيري
واليوم لي بين العَمام خصام
أنا "الغفيلي" منزلي راس ما علا
وأشب نارٍ بالظلام تْقام
من خوف لا يوهف عن البيت هايف
ومن خوف سرَّاي القياع ينام
يا جفَّت الأيام من جاير الدَّهر
أحط ما باليدين دوام
والله ما اخذ لْـ هل القول طاعة
وعقب الشفق لازم يجون رْيام
يلوموني الأنذال لا كثر خيرهم
يلوموني ويِلحقون ملام
يلومني خطو الرزيل الدوبلي
يبي الردى يبني علي سنام
والله ما ابقّي حلالٍ لْـ وارثه
ولا احط بين الصفّتين قْسام
غير مهرةٍ صفرا وعودٍ من القنا
وسيفٍ سنينٍ في يديّ غْلام
ترى هذا الغيّ يا داير الغوى:
ردَّه على التالي وهنّ حْيام
ومن حس بحساب الليالي يعي بها
كسبَّاح دش البحور وْ عام
لابد لي من خامةٍ يذرعونه
يحطون لي منها ميزرٍ و لثام
يملّوني مل العَجَالا لـ شْواتهم
هم عجلين وأنا على دار مْقام
مار يا "بنت عمَّار" و"أخت معمَّر"
يا بنت أجواد ونسل أكرام
لا تْلَطمين البيت من يم جارنا
بيتٍ بلا جارٍ علي حرام
تمَّت وصلى الله على سيد الملا
وعليه لفظ الفاضلين: سلام

#

 

 

 

 

 

 

 

 

 

 

قال الامير سعود بن محمد آل سعود :

العصر ودّعنـا مطـار الطيّبين
(شمر) معطـره الجـن بسيوفهـا

اللي تزيل الحزن عن قلب الحزين
لو صفّقت شقر البنـي بكفوفهـا

تغشاكم البيضاء على طول السنين
يامكرمـه جيرانهـا وضيوفـهـا

قال الشيخ سعدون العواجي شيخ عموم قبيلة ولد سليمان من عنزه :

صاحو عليهم صيحةٍ تقعد الميت
(شمر) هل الردات يوم الزحامي

قال ايضاً :

تسمع بتال الخيل حس المثاريـن
(عيال الطنايا) مرويه عنط الارماح


قال الشاعر فواز السهلي يتوجد على إبنه بداح :

ياليتني (شمري) يا إبداح
واصير انا من هل الطيب

قصيرهم دايـم ٍ مرتـاح
ومحشوم عن كلمة العيب

قال الشيخ طلال بن هذال شيخ قبيلة عنزه :

عشرين من روس الغنم إذبحتلي
(شمر) هل الطولات كل ٍ شكرها

قال الأمير عبدالمحسن الهذيلي التميمي أحد آمراء بني تميم :

اللي حموها بالسيـوف الصقايـل
(شمر) هل الطولات واهل الصنيعي

قال سلطان الدويش شيخ عموم قبيلة مطير :

نبي نحارب مكرمين الضيف
(شمر) هل البـوش العفـر

قال أحد الشعراء القدامى ( للاسف لا يحضرني اسمه ) :

لو قالوا رسول يبعث قلت من (شمر)
لكن آمنت بالله مابعد محمد رسـول

قالت اخت عزيّز الدويش ترثى أخاها بعد مقتله على يد شمر :

ماتشوف عزيّز غشاه غبار
بالمسعري تكلـح انيابـه
صبيان (شمر )غدوله نار
هم علته واكثـر اسبابـه

قالت وضحى العريفية الظفيريه من قبيلة الظفير :

تنصاه (شمر) فوق قحصن عريباه
بايمانهم شلفٍ خشومـه حـدادي

قال فهد الفويه السبيعي :

ويل من داسته ( شمر ) برجليه
واستدارت عليه بقاسي القاعي

قال الشاعر الكبير محمد العوني :

(شمّر) مقابيس المنايا هل الخيل
عُصم الروايا مقحمين الدبايل

قال الشاعر عبدالله بن حفول اليامي
أحد أبناء نجران في الجنوب :

هـي لابـة ٍ حربهـا ذاق الاتـلاف
(شمّر) على روس المناوي يدوسون

 

 

 

 

 

 

 

 

 

 

الشاعر محمد بن ساقان القحطاني :
من يم نجد وشرق مكه وطيبه * لين الديار اللي جنوب القريات
جيت بخفوقي شوق ماينحكي به * اكبر من حروف الشعر والكتابات
شوق ِ مهو شوق الحبيب لحبيبه * شوق الطنايا للكرم والجمالات
ولو قالوا ان الديار ماهي قريبه * بقول : يعني ماتهون المسافات
ماهم بربعي بالليالي الصعيبه * أجل وربي ماحسبت المشقات
(شمر) ليا صك الصليب بصليبه * إهجد ياجن وإنس لأهل الطويلات
يرضخ لهم هالطيب حشمه وهيبه * ويرفع لهم بالعز بيرق ورايات
ومن مرهم طرقي بيآخذ ضريبه * فنجال ٍ أشدى من خضاب الخوندات
والموقده تشهد براس الرقيبه * ومن طيبهم ماينزلون الطمانات
(والشمري) من طيب راسه وطيبه * به ميزة ٍ عدّت حدود المروات
لاثارت الفزعات .. لاتنتخي به * لأنه يثور من الطنا دون فزعات
الله خلقهم للمصيبه مصيبه * وللنار نار وللمعالي ريادات
وللموت موت ولللهيبه لهيبه * وللطيب طيب وللمراجل سيادات
لكن بهم حاجه ولاهي غريبه * يمكن يخون إبها الشعر والعبارات
إليا بطشوا خلو المضارب عطيبه * وإليا عطوا مامدوا إلا الجزيلات
ما ارفع مكانتهم بشعر ٍ اجيبه * هم يرفعون حروف شعري مقامات
وآخر ما اقول بهالشعر وانتهي به * بحطها بقوسين وأربع علامات !!!!
(الشمري ! عيبه ! وعيبه ! وعيبه !
إليا ارتكى للحمل شال الثقيلات )

 

 

 

 

 

 

 

 

 

 

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة شاعر الشعراء / عبدالعزيز بن سلمان الفراج السبيعي في مدح قبيلة شمر العريقة عامة وبالجري خاصة خصوصا وأن شاعرها ليس من نفس القبيلة وقد ألقاها في حفل عرس الشاب / عايد بن مفلح آل مخيدش وبحضور كل من : الأمير / عبدالعزيز بن تركي آل سعود ومجموعة كبيرة من أمراء ومشاهير قبيلة شمر منهم : 1- عقيل بن عايش . 2- فهد بن ثنيان . 3- مديسيس التمياط . 4- وطبان التمياط . 5- سعد الربع . 6- مهدي التبيناوي . 7- عراك بن شريم . 8- محمد بن شرشاب بن جبرين . 9- نواف بن جدي . 10- ممدوح الطلال بن رمال . 11- خلف بن هادي بن شريم . 12- مذود بن لغيصم . 13- عبيد بن عمش بن طوالة . 14- قنوف بن نواف بن علي . 15- أبناء المرحوم عايد بن دويهم . 16- إخوان وأبناء المرحوم حمد بن مخيدش . 17- سلمان بن سعود الفديد . وغيرهم جموع غفيرة من أبناء قبيلة شمر العريقة . وقد وقف الشاعر على المنصة واستأذن الأمير بقوله : اسمحلي يا طويل العمر أن أمدح من يستحق المدح ثم قال :

أنا والشعـر تربطنـا مـوده
= وإليا بيحت سدي بـاح سـده

أقوله وأعتني به وأفتخـر بـه
= ولا وقفت بموقف غيـر قـده

أحبكه حبك من معنى وفكـرة
= وأهول مبعد النظـرة وأشـده

وإليا منه نشدني وش طموحي
= طموحي يوم أجي شمر وأعده

زحازيح تشرف مـن مدحهـا
= لهم عن غيرهم عشرين شـده

مغازيهم من إثقـال المغـازي
= وطرايحهم تعيش الطير مـده

وقلايعهم من خيـار القلايـع
= وسلطتهم على كبـار الأشـده

يردون الحفيف إن كبر جـوره
= مثل وصف النمور المستعـده

معاديهـم حفيـده يرتعبهـم
= يعرف افعولهم من حكي جـده

وعرفوا في سناعيس وطنايـا
= وكل واصـل بالطيـب حـده

واحدهم لا جت الطنيه براسـه
= ما تستبعد طويـق إنـه يهـده

تساوقهم سعاطيـر الرجولـة
= وكثر الطيب فيهـم مـا نعـده

عطاياهم بحـر وإذا تقصـوا
= وش البحر الأحمر جزره ومده

لهم تاريخ أبيـض كالسحابـه
= من أقصى حايل ليا بحر جـده

وبعد جينا على حفل المخيدش
= لا بد الشعـر يدفعنـي لا بـده

شيوخ قسمهم بالطيب واضـح
= وباب المدح عنهم مـن يسـده

وإليا جت المعايا بالعـزاوي
= معاديهم توطـوا فـوق خـده

صواريم ربت بأرض الجزيرة
= وشاهدهـم بسـاط المجرهـده

وإليا ركبوا على بنـت العبيـة
= محاربهـم تجافيـه المـخـده

تحلـوا بالشجاعـة والمكـارم
= وقف النفس والحيـل المعـده

واختمهـا بذكـر الله وأوقـف
= ولا أوقف بموقف غيـر قـده

صح لسان شاعر الشعراء / عبد العزيز بن سلمان الفراج السبيعي وسلم نبضه وبنانه وإعتلا شانه

منقول

 

 

 

 

 

 

 

 

 

 

الشاعر : مبارك الشوباش الشمري :
يادارنا جيناك بالـوزن الثقيـل=وصبيان شمر خابرين افعالهـا
شمر حماة الدار بالسيف الصقيل=ومشغول ابن ليلى سلاح قتالها
ياجت تهزع والسعد معها يميل=والعز لو هو بالكواكـب فالهـا
تاتي مداريـعٍ جحافلهـا تهيـل=ومثل النيازك بالدجـا سلالهـا
الياركبنا الخيل تسمع له صهيل=تشدا شواحيف بمـوج شالهـا
يكفيك زيد الخيل منا يـا هبيـل=والا الجنايز فوق شهب اذيالهـا
حنا ذرا المظهود يا جا والدخيل=وعين الحريب النوم مايهنى لها
وعند القبايل قدرنا ما هو قليـل=دام الكرم والجود منـا جالهـا
وعاداتنا دك المعانـد والقبيـل=وضرب يدن الموت دون جبالها
لعيون من قرنه مثل ذيل الأصيل=مثل الدرق صكوا عليك اشبالها
ومنا صلاة ما لمع بـرق بليـل=على بشير الخير ختم رسالهـا

 

 

 

 

 

 

 

 

 

 

الشاعر / ناصر القحطاني
الشمس غابـت وكـل ٍ دوّر سراجـه=والشوق جمّر محـرّ الشـوق لاجمّـر
دام اتجاهـك شمـال مودعـك حاجـه=سلّم على حايـل وسلّـم علـى شمّـر
قدامك الخافـق اللـي ينشـد علاجـه=كنـه معلّـق علـى بـرزان ومسمّـر
وانت تعرف يا بعد حيي مـن تواجـه=بيضان الافعـال لامـن الزمـن سمّـر
ان ضاقوا أعنف من البحـر وامواجـه=وان راقو اركد من الخرمـان لا عمّـر
كم صيت بيت ٍ عتق في الباب مزلاجـه=وكم شيخ اماره قبـل تعيينـه مومـر
وكم حاتمـي ٍ تكفـيّ فلّـة احجاجـه=وش لون للضيف لو عن ساعده شمّر ؟
وان مـر تاريخهـم متلبـس ٍ تاجـه=كم عاشق ٍ كيّف وكـم حاسـد ٍ زمّـر
في جو ٍ اغلى على الرجلي الى داجـه=من ديرة السادس ومن ديـرة معمّـر
كنّه الا اهـدى لـه البـراق فجاجـه=خلت غرير ٍ ضحك ومن الخجل حمّـر
توارثـو حرثـه وتمتـيـر ديبـاجـه=ركابة الجيـب مـن ركابـة الضمّـر
الودّ لا غرس بدري صعـب مخراجـه=والله ولا الـذّ واحلـى منـه لا ثمّـر
ادخل على اللي تطوف البيت حجاجـه=من ناقص ٍ عند مـدح الغيـر يتذمّـر
والمدح لو كان في الرديـان للصاجـه=ويقال عمّر بلـد بالعـون مـا عمّـر
والذّم لـو زاد فـي الطيـب تولاجـه=لا احرق ولا اغرق ولا عمّر ولا دمّـر
ماني بمتحسب بشعـري علـى حاجـه=الا اني اروح مـا غنيـت فـي شمّـر

 

 

 

 

 

 

 

 

 

 

الشاعر / نواف الجهيلي
الا يالله يالـوالــــي الا يا عــالمـن بالـغيـــــــــــب = الا ياجـاعـــل جـيـوشــه عقب مهـــــزام منتصـــره

بعـــد ذكـــر الولــي ربـي أرد لنـاشــدي واجيــب = اذا هـــو جـاهـلـن فــعـل الطنـايا (دوك) مختصـــره

انا ربعــي كبار صحــون وساع طعــون كله طيـب = (ولوا) بسيـوفهم نـجد(ن) وسيـف الغيـر يا قصــره

رقاه العـــيط اخـو جـوزاء ومن ذيبــن تروح لذيـــب = شيخــن كان حاميــها زمـانن ما خفـى عصـــــره

ويوم شانت لهم نجد(ن)جفوها محاربين العـيب = وعقب نجد (ن) بعد شاخوا جهة الشام والبصـره

وحكـم منــا صنــاديد الرشيـــد ولا بهـم تكـــذيـب = حــوال القـــرن ســادوا به ولا حاكـم زحم قصــره

تناخــت دونهـم كـل القبــايل طامـع (ن)ومـجيــب = ولا فـادة بيـــارقـهـم كـسـرهــم وأعتـــلا نصــــره

وعــدوان(ن) هو القـايد بضفــراء يـوم جتنـا النيـب = تبــي ترعـى مراعينـا حماهـا صبحهـا وعصــــره

وضــاري راعـي الفـزعات والنـخـوات والتـوجيــــب = حمو سلمى حمو سلمى أقول القول وأختصـره

بنـا حـكـام وشيـوخن نسبهـم ما دخلـه الريـــــب = دوام الـحـال مـحالـي وراع العـــــرف يا بصــــــره

وكـم من شيـخ (نجدعبه)ودمـه من بغاه ايشيـب = وكــم من كـون فـزنا به كـثير(ن) ما حـد يحصـره

شـهد لـفعالـنا عـدانا جـمعنــا الـعنف والتـرحيــب = نـعز الـخوي ونراعــي حقــوق الضيـف والقصــره

سـلالة حـاتـم(ن) حنـا شـربنـا مـجدنـا الـعجيــب = وصـعـب الـعين للـحاجــب تعـلى لو ثنـى خصـره

وحـدها مـوحـدها كــلام(ن) ما يبــي تـعقيــــــب = ونـعم(ن) باهـل الـعـوجا تـــــذل الـضـد وتـحصـــره

قصـدته وانا هـضبــاوي نعـــذب خيلنـا تـعـذيــــــب = ســودان الـروس سيـــافا .. نهجـر الذل ونخصـره

وصــلاة الله علــى محمـد شفيـع الامـه الحبيــب = عـدد جيش العـرب كله.. خليـج وشامـه ومصـره

 

 

 

 

 

 

 

 

 

 

قصيده للشاعر رشيد نهير العمودي الشمري

ياخليف حدتني على بعض الأوضاع ..$.. ناسٍ تمس الحبـل مـن فـوق يدهـا

ناسٍ من النعمـة محاميـل وشبـاع ..$.. وليـا سمعـت علومـهـا تنتقـدهـا

ناسٍ على راسـه معمـه ومركـاع ..$.. تبي المغازي مـار ربـك ضهدهـا

ناسٍ تناجينـا علـى زنـد وكـراع ..$..عجزت أعرف أحوالها من حسدهـا

ناسٍ كلت سبـع المذاكيـر بالصـاع ..$.. مـدري شعـاه بليـس والا ولدهـا

وعديت عنهم يالجهيلـي بالأصبـاع ..$.. يامـا وقفـت بنمـرةٍ مـا بعـدهـا

وانا طبيب وعـارفٍ كـل الأوجـاع ..$..عارف عمى عين المريض ورمدهـا

عندي خرز داب ومصبـة ومقـلاع ..$.. وأكوي مريض الرأس وأقول عدهـا

وأقرأ واحجم عن السبب خمسة أنواع ..$.. وأنفخ بقـروه والمريـض يحمدهـا

وان طولت أقف لها واضرب القـاع ..$.. يا مـا يعـوم غبارهـا مـع زبدهـا

وأنا من اللي يـا تناخـوا بالأفـزاع ..$.. هاضت صناديد العرب مـن زهدهـا

شمر ليا شان اللغـى والدخـن ثـاع ..$.. روس الحـرار تعدهـا وتهبـدهـا

شمر ودايع نجد شمـر هـل البـاع ..$.. شمر هل النامـوس شمـر وحدهـا

شمر هـل الـردات ياخليـف بتـاع ..$.. شمر حمول الخيـل شمـر سندهـا

شمر ليا قالوا زعيم العـرب ضـاع ..$.. كـل الدلايـل تاخـذه مـن ولدهـا

شمر هل الجولات يا صكـت القـاع ..$.. شمر تعـدل المايلـه مـن سعدهـا

شمر طعونه تقصف العمر ووسـاع ..$.. يا جـردت بسيوفهـا مـن غمدهـا

شمر على دور النبي ذكرهـم شـاع ..$.. صالوا وجالوا واحتموا عـن بلدهـا

شمر ليا صكوا على القـوم مطـلاع ..$..كم من زعيـمٍ سابقـه مـن لكدهـا

شمر زهـو زهيـد للمـوت قطـاع ..$.. شمر تمس مـن العـوارف عقدهـا

شمر تقود القوم مع كـل الأوسـاع ..$.. شمـر تشـب بنارهـا مـن وقدهـا

شمر زحازيح الجبـل مابـه اسـاع ..$.. شمر هل الجـولات يثبـت عددهـا

شمر خلف عقبان وصقـور وسبـاع ..$..شمـر تدلـه بالمـعـادي كـردهـا

شمـر طنايـا طرفـة العمـر بيـاع ..$.. شمـر تخـز عقابهـا مـن لبدهـا

شمر ليا دكت علـى القـوم تنـزاع ..$.. شمـر سلايـل لابـةٍ مـا بعـدهـا

شمر تعلـت يـوم شالـع وشـلاع ..$.. شمـر تبـث زروعهـا وتحصدهـا

شمر ليا هـاز الوطـن كـل طمـاع ..$.. شمـر رواق البيـت شمـر عمدهـا

شمر هل الفزعـة مغاويـر الإبـداع ..$..شمر بهـا التاريـخ قـال وحمدهـا

شمر ليا منـه غـدا السيـف لمـاع ..$..والرمـح والشلفـاء تـدور بجندهـا

يصير لـه بالقيـض جنـة ومربـاع ..$..وكنـه تسـاوق بالسحايـب رعـدها

شمر مكارمهم جزيـلات ووسـاع ..$.. شمر مقر الكيف لـه مـن شهدهـا

شمر خبرها الذيب والذيب ما جـاع ..$..واللـي ذبـح للذيـب وفّـا وعدهـا

هـل الربـاع مزبنـة كـل مرتـاع ..$.. اللي تصون سلومهـا مـن جهدهـا

يا خليف شمـر عايزيـنٍ بالأزمـاع ..$.. ياخليف شمـر خاسـرٍ مـن نقدهـا

وإسلم سلمت من الملامهوالأوجـاع ..$.. يا شاعـرٍ روس المعالـي صعدهـا