قالت خذا من رزمه الرخم دولار.=ورشوا عليه من احمر القرش شيا
زادت علي من التجني ولا صار.=.مما تقول الانسه غير غيــــــــــا
لا والذي يدري مداخيل الاسرار =ماقلت شعر ن ابتغي منه شيـــا
استاذتي ماني بـ مكاسيب الاشعار=.ولا ني بمثلك نظرتك فلسفيــــــا
سقراطوه موم التناقض و لامار= والجمع ثم الجمع عندك سويــــا
يابنت لولا تنشدي بعض الانمار = في مجلس ن مابه رفيق ن وخيا
قالو تشّره قلت لي ربع ن احرار = و لاني مدور شرهتن مع عطيــا
قلته وانا لي لا بتن كله افخار =.بعيال سيـــــف نفوسنا ما تفيا
الذيب صيده في مخاليب الاشبار =وانا كسبت الطيب في يمنتيـــا
رجل ن اسوقه لاعتم الليل وانهار =قلب العديم يشيم قلبي قويـــا
يم ديرتن ارقى بها سفح سنجار.= وبارض المنايف اطوي البيد طيا
ويمنا على كسب المشافيج تندار = اكسب بها رزقي واعوق الخطيا
ولا ينضمن في رزقنا طول الاعمار =وتعجب ليا من صوت القيد ليــــا
احسن من اللي صوت الحر ذابار = والا تكسّب فــ القصيد وتحيـــــــا
يابنت لوني من رخيصين الاسعار= ما لحوّا القيدين في معصميــــــا
دونك اخطابك مابها سر اجهار =ولاهي ترانيمن على جال ميـــــــا
زنزانتي جدرانها حبر وغبار = وذكر الامام الشافعي فيه حيــــا
قريت في جدرانها نقش الاحجار=ان الليالي لا جفت ماتريـــــــــــا
الذيب مايسري مصابيح الاسفار = الذيب يسري لا عوا ذيب ليّــــــــــا
العرض العادي
