في شمر وتستاهلون

السلام عليكم

اسمحولي بهالمقدمه اخواني انا بما اني ضيف جديد عندكم وعادته الضيف انه يمدح ويثني بما قدمو له من هم ضيفوه وانا من خلال تواجدي هنا بالمنتدى هذا صراحه لقيت كل محبه وتقدير منكم يا الصناديد السناعيس ولا هي غريبه على شمر وقد قلتها لا اريد من احد مال او مقابل فاوالله ان الحب لكم من قبل ما ادخل على هالمنتدى واغلب قصايدي في شمر
الحقيقه اخواني اقل ما اقدمه لكم قصيدة مدح عسا ان تحوز على رضاكم وانتم تستاهلون . نعم قد تكون القصيده غير موزونه ولكن ثقوا بأن مشاعر القلب اصدق من مشاعر الشعر تجاهكم

بسم الله ابداء قصيدتي

في منتدى شمر قلت من قولي قصيد
للسناعيس اللي فعولهم ذكرها يرفع الراس

جيت اخط الحرف وانزف الشعر الجديد
ويطرى علي مع نزف الحروف هوجاس

وغنيت في شمر اللي كلبوهم صناديد
لطامه العايل سكّانه الحايل حشامه الناس

ما اقول قول الا عليه شيء اكيد
قول ابو فيصل موثوق في بطن كراس

شمر اللي كبيرهم قايد وصغيرهم سيد
ورجّالهم يدوس الخطر والورع قد داس

وبناتهم العفه وحريمهم ما هن عبيد
ربات بيوت وتنقذ نكبه كل نكاس

اليا نصى لهم ضيف من ضيوف اجاويد
قربوا له صفرا ريحها يصفق الراس

وقدوع تمرً وفنجال هيل حديد
والحل في جيبهم من دون الاضراس

يفكون السجين ووكسروا ستين قيد
والعدو يحمس كبده على الارض حماس

يا ويش انا بقول في ذيك التقاليد
على الدين ممشاهم وطريقهم ساس

شمر ما حولهم يا عرب مناقيد
مذموم من ينقد هل السيف والطاس

سنعوسي الراس فيهم شيطان مريد
كاسر خشم العدو والاسد جاس

مراجلهم من خلق الله من جديد
مراجلهم لو تنذكر مالها مقياس

قلته ما ابي مدح ولا ابي نواقيد
يكفي ذكر شمر على شذب الافراس

كيدكم كيد يا شمر كيدكم كيد
تضدون الخصيم وكل عوجا لها فاس

ولو قلت معلقه فيهم ما استفيد
من قولي سوى انه من بحرهم طفاس

في طيبهم وش بقول يا عبيد
قبيلة يرفرف علمها كل ماهب نسناس

في عزهم بقول وازيد واعيد
عزاز النفوس وكل قوسً له قواس

يربون الابل والوضح المفاريد
ما عليهم نقد يا عبيد والوضع منحاس

وختامها صلوا على ذاك الفريد
من البشر من يحب امته وتحبه الناس

 

 

 

 

 

 

 

 

 

 

تستاهل الطيب أخي الكريم مسعود القحطاني
بيض الله وجهك وماقصرت يا القحطاني
الطيب براسك وبراس كل رجل حر وشريف
ينتمي الى قبيلة قحطان الكريمة
ولاقصور في باقي القبايل
ونعم بك وبالقبيلة اللي انت منها
ونقول لك كما يقول أهل الجنوب لضيوفهم
من شدة فرحهم بقدوم الضيف
ارحب والله ارحب يا مسعود القحطاني
ارحب ثم ارحب انت وكل رجل طيب شرواك

 

 

 

 

 

 

 

 

 

 

تقول يا شاعرنا في حدا البيوت

وغنيت في شمر اللي كلبوهم صناديد
لطامه العايل سكّانه الحايل حشامه الناس

أقترح أن يكون الشطر الثاني

لطامة العايل سكان حايل حشامة الناس

 

 

 

 

 

 

 

 

 

 

مشاعر ساميه من رجل سامي
ونحن بدورنا نبادلك مشاعر الحب واﻻحترام واﻻعزاز واﻻخاء .

وﻻغروا فأنت ابن لقبيله عريقة في المجد والخلق الكريم
أدام الله هذه المحبه بين ابناء الوطن الواحد وبين جميع ابناء العرب واﻻسﻻم
وسخر الرعاة للرعيه ، وسخر الرعية للرعاه ، وابعد عنا جميعا الفتن ومسببابتها ، وجمعنا دائما في محبه ووفاق تحت راية ﻻإله إﻻ الله محمد رسول الله.

وتقبل أخي مسعود القحطاني فائق تقديري واحترامي

 

 

 

 

 

 

 

 

 

 

السلام عليكم
اخواني اللي ردو حقيقه احرجتوني يا مال الغنيمه الحقيقه هذا شيء ما فيه كرم والا ابغى منه مدح انا او غيري لو نمدح بشمر وبكل القبائل عامه لو نوفي حقها نعم شمر قبيلة ولكن اود منكم اخواني والرجاء منكم ان لا تجاملوني عند وضعي للقصيده في شمر او غيرهم اريد منكم النقد الهادف البناء لكي يخرج منكم شاعر لكن ينتمي الي قبيله قحطان نعم لكي يقولون لي من اخرجك اقول لهم بكل فخر واعتزاز هو منتدى شمر السناعيس


اخواني بعد هذا الكلام اللي يثلج الصدر حبيت ان اهديكم هذه الابيات

شمر ما اقول فيهم قول الا يليق
فكاكة المنشوب حمايه المضهودي
يفرح وينبسط من خاوى له مطاليق
مطاليق شمر هم عيال الاسودي
والله ما يجاريه لا هم و لا ضيق
يا عبيد وشمر هي قبيلة الجودي

 

 

 

 

 

 

 

 

 

 

مسعود القحطاني....... صااااااااح لسانك يالشاعر ابيات في قمة الروعه ونحن نشكرك جزيل الشكر على هذه الابيات التي ساقة لنا محبتك قبل حروفك التي تشرفنا بها كثيرا ونعم فيك وفي ربعك قحاطين تستاهلون كل خير ونعتز بوجودكم في منتديات قبيلة شمر فهو للجميع وانت لست ضيف يا مسعود انت واحد منا شرفنا حظورك وتواجدك وقلمك المميز... اخوك,,,,,,,,,,,الـ غ ــــــــمر..

 

 

 

 

 

 

 

 

 

 

المشاركة الأصلية كتبت بواسطة مسعود القحطاني

السلام عليكم

اسمحولي بهالمقدمه اخواني انا بما اني ضيف جديد عندكم وعادته الضيف انه يمدح ويثني بما قدمو له من هم ضيفوه وانا من خلال تواجدي هنا بالمنتدى هذا صراحه لقيت كل محبه وتقدير منكم يا الصناديد السناعيس ولا هي غريبه على شمر وقد قلتها لا اريد من احد مال او مقابل فاوالله ان الحب لكم من قبل ما ادخل على هالمنتدى واغلب قصايدي في شمر
الحقيقه اخواني اقل ما اقدمه لكم قصيدة مدح عسا ان تحوز على رضاكم وانتم تستاهلون . نعم قد تكون القصيده غير موزونه ولكن ثقوا بأن مشاعر القلب اصدق من مشاعر الشعر تجاهكم

بسم الله ابداء قصيدتي

في منتدى شمر قلت من قولي قصيد
للسناعيس اللي فعولهم ذكرها يرفع الراس

جيت اخط الحرف وانزف الشعر الجديد
ويطرى علي مع نزف الحروف هوجاس

وغنيت في شمر اللي كلبوهم صناديد
لطامه العايل سكّانه الحايل حشامه الناس

ما اقول قول الا عليه شيء اكيد
قول ابو فيصل موثوق في بطن كراس

شمر اللي كبيرهم قايد وصغيرهم سيد
ورجّالهم يدوس الخطر والورع قد داس

وبناتهم العفه وحريمهم ما هن عبيد
ربات بيوت وتنقذ نكبه كل نكاس

اليا نصى لهم ضيف من ضيوف اجاويد
قربوا له صفرا ريحها يصفق الراس

وقدوع تمرً وفنجال هيل حديد
والحل في جيبهم من دون الاضراس

يفكون السجين ووكسروا ستين قيد
والعدو يحمس كبده على الارض حماس

يا ويش انا بقول في ذيك التقاليد
على الدين ممشاهم وطريقهم ساس

شمر ما حولهم يا عرب مناقيد
مذموم من ينقد هل السيف والطاس

سنعوسي الراس فيهم شيطان مريد
كاسر خشم العدو والاسد جاس

مراجلهم من خلق الله من جديد
مراجلهم لو تنذكر مالها مقياس

قلته ما ابي مدح ولا ابي نواقيد
يكفي ذكر شمر على شذب الافراس

كيدكم كيد يا شمر كيدكم كيد
تضدون الخصيم وكل عوجا لها فاس

ولو قلت معلقه فيهم ما استفيد
من قولي سوى انه من بحرهم طفاس

في طيبهم وش بقول يا عبيد
قبيلة يرفرف علمها كل ماهب نسناس

في عزهم بقول وازيد واعيد
عزاز النفوس وكل قوسً له قواس

يربون الابل والوضح المفاريد
ما عليهم نقد يا عبيد والوضع منحاس

وختامها صلوا على ذاك الفريد
من البشر من يحب امته وتحبه الناس

الأخ الشاعر / مسعود القحطاني

ضيف الطنايا -

ليس من كلمة ثناء بحقكم بعد أن قام الأعضاء بواجب الرد

إلا هذه القصيدة أحببت نقلها بين أياديكم معبرة عن مجد ومفاخرقحطان

عسى أن تؤدي شيئا من واجب الضيافة التي تليق بكرمكم ونبلكم

يا ناشد عنا ترانا هل الجود "" حنا قحاطين يجيكم خبرها
قبيله للدين فرسان وجنود "" من خلقة الدنيا وهذي سيرها

كسابه الناموس والسلم محمود "" واصل الشجاعة ورثها من كبرها
لي ثارت الهيجا ببارود وزنود "" وارتزت المهره ومست ظهرها

قوم تسبل لي زهم وانتخي العود "" لي غيم البارود زود خطرها
قبيله وافخوذها باربع ابدود "" من الجنوب الي الحسا ذي ديرها

منهم بني هاجر الي ثار بارود "" وان ثارت العجه وطارت غترها
وان جا نهار فيه طارد ومطرود "" تثمر فعايلها ويبدي قمرها

وجحادر من عاده اسلاف وجدود "" دهاة قوم ما يخالف نظرها
جموعهم كنها صواعيق ورعود "" تمشي سراياها وربي نصرها

اما الحباب اللي لنا رسم وحدود "" ومسجلين طيبها في سطرها
سباع في وصف الرجاجيل وفهود "" نار تلظي من لعايب سعرها

حرابهم من يمه الشرق مضهود "" كل العرب تدري بها من ظفرها
وربعي عبيده مقضب السيف مهنود "" امواج رعب صافقة في بحرها

الين اقبلت كنها سراحين واسود "" الليل الاظلم ينجلي من سفرها
هذي قبايلنا على ثبت وشهود "" يشهد لها تاريخها اللي ذكرها

.............................. ............................................
غانم بن هادي ال حرقان من عبيدة