ياهاجسي حضّرجزيلان الا الحان
ابيات في رد القوافي تليقي
اكتب بيوت الشعر بسلوب واتقان
وانسج حروفن بالذهب له بريقي
انسج بيوت الشعر لولو ومرجان
ابيات من نظمي وصافي رحيقي
ردن على صاف النوايا سميحان
الي لنا وضّح مسار الطريقي
قله ترن بالفعل ماني ببلشان
واعرف دربي والمسار الحقيقي
لكن ترا الدنيا مهي مثل ماكان
لاحمل الله نفس مالا تطيقي
حنا تحت حكم الشريعه والاذعان
والدرب واضح والحواجز تعيقي
حكامنا ال سعود طلقين الايمان
اسيوفنا اللي با الدجا له بريقي
خلو سباع الغاب ترتع مع الضان
والديك يفرس عقب ذاك النعيقي
والا ترانا ياغشا الجو دخان
صطو اتنا منها عدانا تفيقي
نفعل ليامنه حصل هوش وجنان
نقدم ليا حل الكلام الوثيقي
ناطى فهقته بالقنات( ام) طيران
هذا لنا فعلاً قديمن عتيقي
عدونا يدعس ويوطا وينهان
وصديقنا يلقا حجاجن طليقي
اخوك، /مشعل عسام الغافل التريباني في 12/8/1442هجري