كتبت هذه القصيدة اودع فيها الوالدة العزيزه لأني راح اغيب عنها شهرين
وهي مريضه وبأمس الحاجه لوجودي جنبها ولاكن الظروف اقوى من الأرادةواتمنى لها دوام الصحة والعافيه
انوح تالي الليل مثل الحمامه
وانقط عليها مثل بوم الخرايب
فاخت أنا درب الفضا والسلامه
وقعت بدروب الخطر والمصايب
مثل الذهب موزون وافي كلامه
تزهي بعيني من خيار الحبايب
ان فارقتها قامت علي القيامه
واعيش بالدنيا على غير طايب
وعيني جزت عن مرقده وش علامه
والقلب فيه حساب حاضر وغايب
وعسا يهون الليل مقشر احلامه
والله يفكن من كبار النوايب
وتميت انا مثل خلوج الجهامه
على ولدها صار راسه شطايب
واصبحت مثل الطير براس العدامه
اللي من الصياد جناحه حطايب
ياصخيف الذرعان مع السلامه
من بعدكم مالي احباب وقرايب
وســـــــلامتكم
بقلم الشمريه المجهوله