بَـحَّـة الحِـزْن .!

لاَيَاغَلاَي الرُّوح تَشْكِي لك الروح=شُوفِي مُعَانَاتِك معي ماتروحي
حِزْنِك ينوح بْدَاخِلِي وين مااروْح=وانا معي من قبل حِزْنِك جْروحي
أَسْمَع بْصُوتك بَحَّة الحِزْن والنوح=وانوح من همٍ بْقَلْبي ينوحي
شُوفِي أمل دنياي يابنت مذبوح=وانتي أمل دنياك غَدْرِه يلوحي
الجَرْح غاب ولكن الجَرْح مفتوح=خِيْطَيْه بِعْنَاق الزمان الشحوحي
الوقت ماله في مْحَيَّاك مَصْلوح=مادام وَرْدِك في خْدُودِك يفوحي
أنتي قصيدة شوق في عالم البوح=وانتي سبب صَمْتي وقصة نزوحي
في دمعتك فارس على الأرض مطروح=وفي دمعتي أرضِي تْعَزِّي طموحي