قرأت ابيات شعرية لا اعرف قائلها يقول مطلعها
الجوّ جوّ إن كان بعض العرب جوّ= وإن كـان مـا جونـي فــلا زان جــوّي
ولإعجابي بها فقد جاريتها بهذه الأبيات
الجو رايق ياالربع ما اطيب الجوّ = مع المطر والخير يزدان جوّي
البرق يشعق والسماء كلها نوّ = والارض فيها كلِ شي متروّي
ومن عقبها ياصاحبي تشعل الضوّ = وتشوف ماحولك بعينك يضوّي
وتفرح بربعٍ لك نشاما اذا جو = ركب معاميلك وللكيف سوّي
ولايضيع وقتك بين ياليت اولوّ = خل السوالف بين ربعك تدوّي
وإن امطرت ازبن على ضلع معلو = وابعد عن ارض ٍ من وطاها تهوّي
ووقت الغداء جهز لذيذ الاكل سوّ = اكل يفيدك والجسم له يقوّي