هلا ابو طارق
اقتباس
تراني بحوله عليك انت وأبو نواف :
* تعليق
اخي ابو طارق كما ترى في المسابقات الشعرية تكون هناك لجنة لنقد القصيدة وعلى الهواء مباشرة ولكن قبل ذلك لازم الشاعر يوقع ؟؟ انه يقبل النقد بروح رياضية وأدبية؟
والا لن يشارك في المسابقة ، فانا لن اوجه نقد لاي شاعر الا هو يوافق على ذلك ؟
وهناك قصيد كثير في هذا القسم يحتاج نقد ولكن لم انقده لاني اعرف ان اهله لن يقبلون النقد،
ــــــــــــ
اخي ابو طارق هناك قصتان جميلتان صارن معي مع بعض الربع ؟
الاولى
كنت في زيارة الى رفحاء وكنت في احد المجالس وجاني شايب من الجماعة كان يسكن في احد هجر الويبار وهو شاعر واديب،
فقال لي يوم الله جابك انا بيني وبين شيبان من الجماعة غلطة على قصيدة الفراوي في ابو خوذه وابيك تحكم لنا ؟
هو يقول، (جبت هدبا وريفه ؟؟ والا يقول جبت هدبا وريشه)
قلت انا والله مادري وش اسم الفرس التي اعطاها عبد الكريم للفراوي؟
ولكن قافية القصيدة على الفا ؟؟ لانه يقول ماني مقابلها سوات الهديفه؟؟ ويقول ملافاخات السفيفه و00لخ : واكيد ان الفرس اسمه ريفه على قافية القصيدة في حرف الفا؟ وريشه في حرف الشين ؟
فالتفت علي بتعجب وقال لي كييف كيف ؟ حرف الفا وحرف الشين ؟ قلت نعم ريفه اسمها على قافية القصيدة لكن اسم ريشه بحرف الشين ماهو على قافية القصيدة ؟
فقال اااااه ؟ انا ماني بحلان باللي يعرف حرف الفا من حرف الشين !! فضحكوا الناس اللي في المجلس على ونته وقوله ماني بحلان باللي يعرف الفا من الشين : ويبدو ان كلامي صار من صالحه :
القصة الثانية ؟
كان فيه واحد من الجماعة حاضر في المجلس في السالفة الاولى رغم انها قديمة قبل حوالي 30 سنة !! فاتصل بي قبل فترة قصيرة وقال لي انه نزل قصيدة في احد المنتديات وطلب مني ان اشوفها واعطيه رايي فيها وهو شايب اكبر مني سن ،
فقلت له انا لن اعطيك رايي الا انت تسمح لي ؟ لاني انا بدوي واعرف طبعكم يالبدو تزعلون من النقد؟ فقال ابد انا سامح قل كل ماتشوفه خطاء فيها ،
فنظرت القصيدة ووجدت ان فيها اخطاء تغير المعاني ؟
وكل ماقلت له هذا البيت خطاء ، قال هذه خطا مطبعي من اللي كتبها ونزلها؟
قلت له انا اقراء القصيدة واشوف الخطاء ان معنى البيت خطاء ولا اعرف هو منك او خطاء مطبعي من الذي نزلها، المهم كل ماقلت له هذا البيت خطاء قال شف اللي بعده ؟
حتى انتهت القصيدة يامار اكثرها كلها خطاء ؟
ثاري الرجال تضايق ! من نقدي وهو عرف ان نقدي لها صحيح ، وثاريه تذكر كلمة الشايب الاول قبل 30 سنة؟؟؟
فقال ياخي انا وين ابي يم اللي يعرف الفا من الشين ؟؟؟ ماشفت لي واحد على كيفي مايعرف الفا من الشين ؟ ويقول لي كل شيء تمام !!
شكرا لك
رد: تنبيهــاااات هــــــــــاااامة(أرجوالإطلاع)
، ومايداني أحد يتكلم عن قصايده
العرض العادي
