السلام عليكم ورحمه الله وبركاته
اخواني وأخواتي منتديات الطنايا
كما تعلمون قصه القتل التي حصلت بين الشمري والشراري
حيث الكثير من أبناء القبائل كتبوا وتوسلوا الى قبلان
وواجبي انا كأبن عم ان اكتب حتى ارضي الله ثم عن أرضي نفسي
وأنا لست اجيد الشعر جيداً لكن الامر استوقفني وأشتد علي
اضع بين ايديكم قصيده متواضعه لعل الله ان ينفع بها أخينا قبلان الشراري
بالأفراج وإن يعتق ابن العم بدهان الرمالي وأسئل الله ان يقذف في قلبه
السكينه والوقار وان يهل عليه رضى الله عز وجل
كتبت القصيده تعبّر عن شعوري وتوسل الى الأخ قبلان
القصــــــيــدهـ
قبــلان أخبرك بكلمــه تهز المرجله *** تكفى ترى تكفى تعــمّ الشـرارات
بدهـــان سجينٍ لحــاله في معزلـه *** أعتقه عسى راسك دايمٍ للطويـلات
يالله ياللي منــزل تبارك والـزلزله *** يالـلي منزل بالقرآن أشرف عبارات
تجعل صوتي يسمعه قبلان ولايجهله *** أرجوك ياقبلان يأبن الشرارات
النخوه والطيب والشهامه هي منزله *** ولاحــدٍ منكـم يريــد القصيــرات
أعـتـق سـجيــنٍ ترى الشيطان زلزله *** زلــه على فعـلٍ ماله نهـــــايات
وإن كـان شخصٍ الشيخــان تفـزّلــــه *** ترى قبــــلان تفــزّله الـرمـالات
يــاقبــلان ترى العتق طيب ومرجله *** والله مايضــيـّع فـعــل الـشكالات
الـعفــو لـك وإنـت قــده وتفـعـله *** العفو للرجال النشاما وأهل المروات
يـالله بجنـه الفردوس الأعلى تجعله *** وتجعل بقــلبه ســـكينه ووقارات
هذه منـاتي يامنزل تبارك والزلزله *** العتق والإحسان وفعل الخــيارات
وخـتامها صوتي ياقبلان لاتجهله *** تكفى نخيـــــتك وأنا أبن الدغيرات
تمّــت وصلّـوا بعداد ماغردت البلبله *** على شفيع الخلق يوم الشــفاعــات
تقبلوا تحياتي
اخوكم نايف بن زايد
دعواتكم لبدهـــــان