ســـــــــــوال ياشعارنا الكرام.

يقال ان العريفي وابن عيد تجار ومعظم تجارتهم قهوه ومايتعلق بها
في زمان بعيد بعض شي يعني قبل 50 سنه

وزبائن القهوه معظمهم من القراء والباديه ومتعودين الطرفين على ان ياخذ المشتري حاجته ويدفع قيمتها بوقت اخر متاخرعلى قوله السلف ببيعه السمن والسمين لان ايرادات هذاك الزمان من بيع الحلال اي المواشي والسمن وهذا يكون بنهايه الربيع لكل عام.

المهم يقال ان ابن خربوش من الاسلم جاء لتجارالعريفي وبن عيد وطلب قهوه حسب المعتاد
وقالو اذامعك قيمه القهوه الحين نعطيك واذا لا ماعندنالك شي وقال حسب العاده وتعرفون الحاله والطريقه. ورفضو.


الســــــــــــوال
من يعرف قصيده ابن خربوش كامله بهم

واللي منها هالبيتين؟



بمونسه عياء العريفي وابن عيد.
...........................يبون سلم لايذن عن يدينا.
الحـظـــــريولدون القرش توليد.
........................ويبيعون الطاق مطبوقا علينا.



مونسه=القهوه
سلم=عمله فلوس.

 

 

 

 

 

 

 

 

 

 

هلا اخوي طنيان

قصيدة فرج بن خربوش الشمري

يامونسه عيا العريفي وابن عيد=يبون سلم غايب عن يدينا
وحنا على الله ناخذ الدين ونزيد=ونعم برب وان عليه ارتكينا
مرن نعشي ضيفنا من جلى الصيد=ومرن تمر اللازمه ماقوينا
وتر ضيفنا مانتعبه بالتناشيد=ولاننشده ياكود ينشد حدينا
شيمة عرب مانردد الهرج ترديد=حنا نعرف الهرج لو ماحكينا

وقد عارضه عدة شعراء
فقال الشاعر نغيمش بن صنيتان الشمري:

اللوم مايشنى العريفي وابن عيد=والسلم دوم لايذعّن يدينا
كل التجار تربت الجدي وتزيد=والطاق مطبوق تحطه علينا
مرن نعشي ضيفنا من نمى الغيد=ومرن نكب الموجبه عاجزينا
وحنا نعلل ضيفنا بالتناشيد=لاشك يستانس ان سير علينا
الضيف مايطنيه كثر التناشيد=يطنيه كان ان المعزب تطينا

وقال الشاعر سند الخمشي العنزي بنفس القصيده

يامونسه عيا المزيني وابو زيد=وعلى الغلايب مثلكم صابرينا
الضيف مايطنيه كثر التناشيد=يغث باله صمتنا ماحكينا
ان كان قلنا مرحبا فيك ونزيد=انساح باله ثم سولف علينا
وان كان مجلسنا سجوم ملابيد=عن المراجل كل ابوهن غدينا

ملاحظه : مونسه .. هي مشبه .. مشب الدلال

 

 

 

 

 

 

 

 

 

 

وفيت يابوحارث
بارك الله لك وبك.

الله لايهينك