قصائد باحفاد الشيخ حواس ابن خمسان الشمري

بسم الله الرحمن الرحيم

يذكر التاريخ قصة هذا الامير الكريم ( حواس بن خمسان )

امير الخمسان من شمر ,,
ونروي هذه القصة التي حصلت له أثناء حكم آل الرشيد قبل حوالي مئة سنه حيث كان متجها الى حائل من أقصى شمال النفود وأثناء رحلته قصد قرية الحيانيه لغرض زيارة أميرها بن قناع حين ذاك وكان معه بعض من الصيد وهي غزلان صاده في طريقه وأقام ليلتة عند أبن قناع الذي كان منصوبا لأبن رشيد الامير سعود ابو خشم . وبعد العشاء من هذا الصيد أتجه الى النوم بجانب ذلوله وبعد برهه من الزمن سمع أحد خوياء بن قناع يبكي وشد إنتباه بكاء هذا الرجل وسمعه وهو يقول بالحرف الواحد
( حنا الليله يا أبن قناع عشانا حواس ولكن المصيبه من يعشينا القابله ) . فواصل نومه حتى صلاة الفجر فقام ونحر على الفور ذلوله فسمع أبن قناع صوت هذه الناقه عند نحرها فقال لماذا تنحرها هل سمعت كلام هذا المقرود البارحه فقال له حواس وشقوها وشيق تكفيكم هذا السنه والسنه القادمه رزقه معها . وواصل مسيره وعوضه الله أحسن منها حيث وجد بالقرب من قرية الشعيبات كيسين من الذهب وذخيرة في وقتها أغلى من الذهب .
فقام بشراء قطعه من الابل وجهاز العروس بالأضافه الى بيت من الشعر .
وكان وقت ذهابه الى حائل عند مروره بالحيانيه لغرض بيع ذلوله في حائل للأتمام لوازم الزواج من بنت عبيد بن صياح الخمسان ولكن لم يدعه قلبه بأن يترك المعازيب بعدما سمع بكاء وكلام خوي أبن قناع وعرف أنهم لايوجد عندهم شي من الزاد
ولاهو غريب الطيب من
/الشيخ الفارس أخو ميثا/حواس ابن خمسان النبهاني الزميلي السنجاري الزوبعي الشمري
وهو غني عن التعريف
وقيل فيه قصايد عده من ضمنهم
الشاعر الجنفاي
والشاعر/جار الله الحسيني
والشاعر/عبيد الله السالم
اخواني وأخاتي ايستبيحكم عذرأ لتنزيل قصايدي بابنا عمي في منتدى عزوتي
ويحق لي افخر واماري في كل أبنا شمروشيوخ شمر وكا رجل طيب من اية قبيله

امانا قلت قصايد في احفاد الشيخ حواس أبن خمسان
الشخ سلمان تركي الحواس
والشيخ عطاء تركي الحواس
لقد وقفو معي مواقف عظيمه
ولا ستغرب الطيب من اهله فهم منبع الطيب والوفا اخوان ميثى
فجزاهم الله عنا خير الجزاء

هذا القصيده الأولى
بالشيخ سلمان تركي الحواس الخمسان

لالله درك يأبن حواس =يانادرًمبعداً شوحه
يالهيلع الاشقر القرناس=الياطلع يبعد اشبوحه
واليا كفخ بالفضاء غلاس=علئ ابرق اريش ذابوحه
دايم لدرب العلا عساس=في قمه المجد و صروحه
وفي راس عيطي بناله ساس=وبرق المعزه قدح ضوحه
وصيت اخوي ميثاء لنانبراس=وفعله دواء الغبن وجروحه
لظرف الخوي ملهمن حساس=لو الخوي ماقدربوحه
هذاك سلمان ولد حواس =الي نخيته عطا روحه
صليب راياً قوي الباس=واسمه بصدره زها الوحه

وإيضا قلت هذه القصيده

سلمان لك عندي معزه وتقدير=بخافي خفايا خافقي مستكنه
صورتها بأجمل لغات التعابير=صورة غلا وأخلاص من غير منه
وجيرت نفسي لصاحب الطيب تجيير=وحقه علي فرضاً واجب والسنه
وأرجو من الله لاهقا صاحبي خير=يلقاني الطيب على حسن ظنه
واسم الرجل يزها الرجال المشاهير=وعلى الذكر مابه حلاتاً وفنه
يزه مثل سلمان زبن المناعير=شبل الاسد وأشبال الاسباع منه
وسلمان يفعل خير للالله للغير=لوجه الولي ويرجي الخير منه
وايالله يامديرالفلك والمقادير=تجعل له الدارين خيراً وجنه
ومهما مدحتك فوق كل التعابير=طيبك يفوق ويقصر المدح عنه
تمت وصلى الله على داعي الخير=المصطفى سيد الأوادم وجنه

وقلت إضاً هذه القصيده
بالشيخ عطاء تركي الحواس الخمسان

بصوت الوفا زاعت القيفان=ولاهل الوفا سار مرسالي
وجاوب ندى العز من برزان= قبل صدا صوت جوالي
صوت اخو ميثاء عطا الخمسان=عرب النسب ماضي الافعالي
يقول يش يخانت الصدقان=ان ماوقفو وقتنا الحالي
ويبقى عطا للوفا عنوان=رمزاً على مر الاجيالي
ورجل المواقف عطا الخمسان=من الجد الأول الى التالي
وصعب المواقف له البليهان=ما ياقفه كل رجالي
واحلا تحيه لأبن خمسان=ازفها عبر جوالي

تقبلو تحيات الشاعر طلاع الزميلي الشمري

[/QUOTE]

 

 

 

 

 

 

 

 

 

 

حي الله شاعرنا القدير

طلاع الزميلي الشمري

صح لسانك ملايين على هذه الروائع

التي قيلت في من هم اهل للطيب والشيمه

احفاد الشيخ حواس ابن خمسان الشمري

والعشر تنعام في المادح والممدوح

تحياتناااالاخويه لجنابكم الكريم

 

 

 

 

 

 

 

 

 

 

اخوي الشاعر طلاع الزميلي

والف نعم في جميع من مدحت ومنك
وصح لسانك مدد بلاعدد
واعتلى شانك

 

 

 

 

 

 

 

 

 

 

صح لسانك وتسلم يمناك
والنعم بـ المادح والممدوح

دمت بخير،،،

 

 

 

 

 

 

 

 

 

 

الشاعر طلاع صح لسانك مدد بلا عدد ياجزل

والنعم بجميع ماذكرت

 

 

 

 

 

 

 

 

 

 

هلالالالالالالالالالالالالالابكم يالغااااااااااااااالين
وبيض الله وجوهكم علئ هالحضوووووووووووور المشرف
وهالتعليقاااااااااااااات الراقيه
ولي عوده لكم بالرد واحد واحد ان شا الله
حفظكم الله

 

 

 

 

 

 

 

 

 

 

صح لسانك

والنعم من المادح والممدوح