السلام عليكم مساكم الله بالخير اتمنا ان يكون الجميع بصحه وعافيه
قصيد الشاعر مانع بن خالد بن صديان العياده
في الشيخ نواف بن عبدالله بن اللغيصم ( شيخ قبيلة المسعود من شمر )
مادام مثلك يابيض الوجه بالجيل = يبقى الكرم في خير يابن الكراما
من غير شرح ودون كثرة تفاصيل = صدرك عليه من الرجوله وساما
اتعبت من قلدك ياصاحبي حيل = ياطيب اليمنى رفيع المقاما
يامسندي مثلك قليلين بالحيل = ولولاك قلت ان المراجل يتاما
ــــــــــــــــــــــــــــــــــــــــــــــــــ
تبقى يابو نايف سليل الحموله = ياخو المروه ياحفيد الشكاله
ياعم صلفات الامور المهوله = ياخال منعور تنومس بخاله
ياخل خيل بالملاقي عجوله = ماهابت الا ربها في جلاله
ياغاية البنت البتول الخجوله = ياعمق شعر مارضى بالضحاله
نواف ياغيث يبشر هطوله = بالخير كله والوفاء والجماله
شيخن يبرر صدق فعله لقوله = ضلعن يذري باللوازم ظلاله
معرب الجدين لابان زوله = كنه مصعط بالمهد بالجزاله
الله وكيلك لاوقف وحضروله = كنه قبيلة لاوقف بس لحاله
نواف هو حاكم والامجاد دوله = نواف هو بالعز صاحب جلاله
ايه افتخر به وش تبي ياعذوله = ايه اعتزي به يوم كربت حباله
يوم الطنا بالراس صوله وجوله = راسه معزب للطنا لا محاله