راع الوفاء .. راع الشيم .. راعي الطيب

أبعث قصيدة شاعرن مخطي مصيب !!=إلى: جنابك .. عاجلا جدا .. و .. هام
مره .. يريوس .. مره .. يقدّم الجيب !!=يخطي خطا خطواته .. الخلف قدام
يوم إدّرَجْ ماها ... سواة الميازيب !!=و اروا ضمأ روحه فبستان الآكام
يفيق ضيف الجوع نوم المعازيب !!=ويستنشق الدِيّان في دار الاحلام
خصّيت به شخصن وشفته مواجيب !!=وبيض النوايا صغتها .. مابها اوهام
ذيب الرجال ليا انتخى الذيب للذيب !!=اللي على مذهب "هل العز" مقدام
راع الوفاء راع الشيم راعي الطيب !!=يا الله تفكّه .. من عواثير .. الاسقام
يذرا .. ذرى ذاريه .. سود اللغابيب !!=بياض وجهه يشدي القلب كالخام
موَّل سواد الراس لين ابيض الشيب !!=وما قلتها .. قاله مساء عمر الايام
ياهل النميمة والحسد .. منبع الريب !!=منّي صدر في حقكم .. حكم الاعدام
كم قلتها .. كم عدت .. عداكم العيب !!=في خوتك علّقت انا بصدري وسام
ولله .. رب البيت .. هو عالم الغيب !!=ارسل لابوعيسى سلام اهل الاسلام
يابن التميمي يا عطيب المضاريب !!=عساك تسلم وانت .. سالم .. وغنام
إن كان لك شرهة .. فانا لي معاتيب !!=وحتى لو ان الوقت ما فيه .. منلام
وقتن عليه من .. الدواير .. دواليب !!=تغيرت في ساحته بعض الافهام
يوم امست العادات .. زي اللعابيب !!=بيدين طفلة عمرها أربع اعوام