ابي اطلب الله سامع طلابه =الواحد الي ماتسكر بابه
انه يجملني بمدح الوافي =الي رقاء بطيب روس هظابه
مقحم ابن احمد عريب المجناء =نسل الفهود معربين اللابه
ليث افعاله ماحصينا عده =ولاتنحصي بالطرس ياكتابه
خلايف التمياط ونعم الخلفه = سور على ربعه وريف اصحابه
الي على درب المراجل قدمه =من طلعته مشرف على مرقابه
النادر الي مالقيناء نده = بالمرجله والجود بين اقرابه
اليا اعتزوبه بشدايد ربعه =ياقف مواقيف الاسود بغابه
شيخ يقدم لابته بشده = ولاالرخا كلن يسد غيابه
الشمري الحاتمي الطائي =من روس طي اليعربي انسابه
ونعم انسب اليا ذكر طاريه = قدام قوم تفتخر بنسابه
له مجلس ماسكرو بيبانه =من فضل ربي مايسكر بابه
على المعزه والكرم والحشمه =وصفر الدلال الي قدم صبابه
بكر يصلحها مع كل حزه =فنجالها يجلي عمس شرابه
وصينية قدم النشامه يديره = فيها شحم حيل سلم جلابه
المكرم الوافي زبون الفزعه= له هدت تخشاه سحم ذيابه
ريف الظعيف الي زمانه حده = قصر جناحينه مع مخلابه
اليا شكاله حالته ومعنها =مدات كفه بصخاء غلابه
مامدته كف الوليد الراهي = ولاابوه الي قبل يحكابه
لوقصر كفوف الكرم بكفوفه =الحاتمي معدي مرقابه
من روس قوم يتعبون الظمر =يوم كلن يظهره مخلابه
واليوم من فضل الولي سبحانه = الدار ثبتنا قوي اطنابه
نعيش في امن وامان وراحه = ولانحسب لسنين احسابه
في ظل حكام تعز الرايه =على الشريعه والعدل وكتابه
آل سعود مطوعين العايل =رمز المواطن والوطن وترابه
عيال عود طيب الله نزله= عبدالعزيز الي حمى محرابه
صقر الجزيره معدل الميزاني = في كفت التاريخ يانسابه
وختامها اقبل تحيت شاعر = عبر بما كن الظمير وجابه
(الشاعر:حامد الذرعي)