اقتباس:
المشاركة الأصلية كتبت بواسطة الحقيق
السلام عليكم
اسعد الله اوقاتكم بكل خير
ياخوان انا للحقيقه رحت لاحد اقربا عبدالله السعيد وسالته عن القصه من اولها لاخرها وقاللي الاتي
بعد المضاربه سجن عبدالله واخوه فواز وكانو يبون يحكمون كللهم فلجاء ابوهم فندي لابن جبرين ووكللوه وجلس مع الرشايده حوالي 20 جلسه اثبت فيها ان الرشيدي هو اللي صايل على ابن سعيد بديرته من مسافة 200 كيلو وانها كانت مضاربه بين ثنين الاخوان وثنين الرشايده وان الاله اللي ضرب به ابن سعيد هي عصا ماهو سلاح قاتل مع انه كان بمتناول يده لو كان ناوي القتل اسلحه قاتله ولو مسحاه او شيول ولكنه كان يدافع عن نفسه بعصا فقط وشهد شهود من شمر وغير شمر انهم شافو الرشايده بالطريق الى حايل بعد المضاربه وهم سليمين ولكن قد يكون سبب الوفات التاخر بعدم مراجعة المستشفى والنزيف
لذلك حكمو المشايخ بقتل الخطا ودفع الديه لكن الرشايده رفضو الحكم واستلام الديه والحكم ميز وطلعو السعيد وتوصلو الرشايده الى ابن لحيدان رئيس القضاء الاعلى وبطريقتهم اللي فيها روايات كثيره بعضها مايدخل العقل وبعضها يمكن يكون صحيح المهم انهم اقنعوه وامر باعادة النظر في القضيه وكونو لجنه مشايخ غير الاولين وجلسو كذا جلسه ولم ياتي الرشايده بشي جديد يغير الحكم فاحتجو بان ابن جبرين قايلن انه مايذبح شمري برشيدي وامام المشايخ وفي الجلسه حلف ابن جبرين انه لم يقلها ولا يمكن اي مسلم يقول مثل هالكلام رجعو قالو اجل اللي قايله ابوهم فندي وحلف فندي انه ماقاله قالو لا امهم اللي قالته وبعدين قالو ان عبدالله الفندي اللي قاله والصحيح انه ما انقالت اصلا بس هي حجه يتمسكون به لعدم التنازل من كثر الحقد عندهم هذا ماقاللي يوم نقلتله الكلام اللي انتم كاتبين هنا وبرا الجميع من هالمقوله وخصوصا ابن جبرين وقال هذا شخص دين وعاقل وحكيم لا يمكن يقول هالكلام وهذا شخص اعتق الله بسببه اكثر من ثلاثين رقبه والمفروض يعطى حقه من الدعا والتكريم ولا ينتتعرض له بشي هو بذل كل ما بوسعه بهالقضيه يما مات حتى انه خذا الصك اللي حكم به ببرات العيال وفله قدام الملك عبدالله حوالي ست امتار طوله الصك بالمجلس العام وقال خف من الله يابو متعب صك بوه 8 مشايخ 3من محكمة حايل و5 التمييز ينقضهم راي ابن لحيدان شخص واحد بس الملك قال هذي امور تخص القضاء ما نتدخلبه
الله يرحمه ويغفرله
حبيت اشارككم بما سمعت والله الموفق
|
أخي الكريم الحق لا يثبت هكذا ،،نقل عن قريب عبدالله الفندي؟؟؟؟
يا أخي الكريم نحن نثق بالقضاء وقضائنا بإذن الله عادل وأنت أتيت بكلام لا يدخل العقل وحتى المتوفي رحمه الله تعالى قلت عنه كلام لم يقله أحد من يقبل على الاطلاق؟؟؟
أنه بعد المضاربه ركب سيارته ورجع وشهادته أحدهم؟؟؟؟
يا أخي حدّث العاقل بما لا يعقل فإن صدق فلا.....؟؟
الرجل بعد المضاربه توفي بفتره وجيزه وأكيد أنه قبلها بين الحياه والموت؟
وبعدين بن جبرين رحمه الله تعالى من عقلك أنه بيقول للملك خف من الله؟؟؟
هذه أكبر من قبلها؟؟
وبعدين هم جيران في القحصيه من سنوات كيف تقول جاي من مسافة 200كيلو؟؟؟
من عندك انت تهلس؟؟؟ اصلا القحصيه عن ديار الرشايده ما تعدى 100 كيلو؟
وتقول الشيخ اللحيدان تدخل لصالح الرشايده؟؟؟؟
يا اخي خف ربك ولا تتهم علمائنا وترى لحوم العلماء مسمومه؟
الشرع عندنا يحكم بالعدل كتاب الله وسنة رسوله؟؟
المهم نحن هنا أمام حق خاص والله لو تجمعت الدنيا كلها ما ينفع الا اذا تنازل صاحب الحق الخاص ذوي القتيل؟؟
أفهم يا بشر حنا جايين نبي وجهات لإنقاذ رقبة ولدنا ما حنا جايين نشعل فتنه؟؟
قال فلان وعلان وحلف فلان وعلان؟
رد: عاجل الى شيوخ ووجهاء قبيلة شمّر ؟!!!
العرض العادي
