قالت الدوسرية
ليتني من شمر وأسكن بحايل وليت ربي ما خلقني دوسريه
اشهد أن الطيب مع كل الحمايل مار شمر نافلين بالحميه
رد عليها الشاعر/ عبدالله بن عفنان بن علوي الشمري من اهل الصداعية
حايل ياعل تسقيه المخايل ديرة (ن) حلوة وبرجاله غنيه
دار محبين الفرايض والنفايل سلم أهلها من قديم وأربويه
يكرمون الضيف وتنطح كل عايل ما خذوا من ديرة سلم عريه
دوسريه وأعجبتني بالمثايل ضربها ضرب الهدف بالبندقيه
أدخلي بالي تبين من الفضايل مع أهل التوحيد منتي أجنبيه
والجوار اسلوم أهلنا والاوايل حكمة الرحمن وصى به نبيه
بالجبال الحمر زينات المسايل وكل نشمي تبذل الحسنى يديه
الضحى والليل وحلول القوايل دلة(ن) تجذب والنار حيه
مع وجيه الخير وفروع الحمايل والعني الطاغوت وأبليس خويه
وأحذري من كان لابليس زمايل شلة الشيطان هم شر البريه
واجب رد الجمايل بالجمايل واجب سوق الهديه بالهديه
ياملا التوفيق يابنت الأصايل من اين ما رحتي لا بوجهك فضيه
--------------------------------------------------------------------------
اتمنى ان تنال اعجابكم وتقبلوا تحياتي
دوسرية تمدح شمر
العرض العادي
