راكب اللي لامشى والخط فاضي=ما تمارا شوفته يومض وميض
كنه الشيهان لاراد انقضاضي=اوكما رف القطا في يوم هيض
جيب لاند كروز وجنوطه عراضي=ما يجود طارته غير الحظيظ
منوة اللي ضاري لقطع الفياضي=مايجوز لواحداً قلبه مريض
شاف من وقت الغرابيل امتعاضي=وامتلا في داخله بالقلب غيض
صكته بقعا ووسط الموت خاضي=ولا انشحن من برد او من لفح قيض
ماشقى بلميس ولا هو برياضي=ولايشوق خاطره شوف الغضيض
فلل التنكين والشنطه مقاضي=والمسير قطوع والله له حفيظ
لابو طارق لالفيت والبال راضي=وصله ماخط بالبنط العريض
السنافي له هشاش الجاش هاضي=حالفاً للنذل والله مايهيض
امدح اللي لانتخى للطيب فاضي=والردي بالطيب والله مايفيض
الردي لو كانت متونه عراضي=لاارتكى للحمل تسمع له جظيظ
قاله اللي شاف بالوقت انغماضي=والليالي طوال والمعنى غميض
مشكله ماحلها تسعين قاضي=ولاهقيت يحلها من له نقيض
مجتمع فيها المسيحي والأباضي=وصار كل الامر بيدين البغيض
وضاع في وسط الأكيد الافتراضي=واستشاطت دنيتي يالله تعيض
عن زماني لاحشى ماني براضي=وقت فيه الحر يقبع بالحظيظ
بالصحاري الذيب يخشى الانقراضي=والثعالب صيدها عنها يفيض
والندم مايرجع اللي صار ماضي=والبحر من زود حجمه مايغيض
لابو طارق لالفيت والبال راضي
العرض العادي
