مشعل الفيصل أهداء لشيخ ضاري مشعان فيصل الجرباء (حفظه الله)
العشر عشرة عمر وايامه كبار =يأخذ مني مقدار رد اعتباري
الشعر نوخلي جزيلات الأفكار = وانقى جزايلها بحسب اختياري
يسرى معايه كيف ما كان يختار =ليا ضفى جنح الدجى جاك ساري
بيني وبينهحب وعهود وأسرار =يفداه عمر طال فيه انتظاري
وان قللوا شأني رديين الأبصار = العلم يظهر بين كاتب وقار
مادام قدري عند وافين الأشبار =مالي ومال متوبعين الاثاري
ماني بناشد عمر وش قال عمار = دامي عن أهداف المباغيض داري
أقول ياغيث من الجود مدرار =العز جاله في قدومك محاري
أنت الربيع المقبل الضافي البار =من بعد ما زاد اشتياق الصحاري
شيخ الوفى وجه الرضا صلب الأشرار = ريف الضعافي بالسنين العواري
شيخ ترف لشوفته كل الأنظار = يفرح به اللي جاري له جواري
عز الله أنه ما يباديه الأعذار = يبشر بصبح ما تجيه الغداري
صبح به أفراح وتباشير وأنوار = وهتان خير تحتريه الخباري
الله يمدك بالسعد يابن الأخيار = ياضاري لمعانق المجد ضاري
ياضاري المشعان ياحر الأحرار = فيك اعتباراتي وفيك انتصاري
وفيك أنت جزل الشعر له عون وأنصار = ان جابلك ياطيب الساس طاري
انجيت بالمنسب سلايل هل الكار = جربان مسقين الضديد الغزاري
سربة هل الحرشى ان كان الدخن ثار =وطار الحيا عن لابسات الخزاري
كمن عديم ذاق نكدات الأمرار = من فعلهم قفى يكض العباري
ولصاحبهم خير ومروفه مقدار = وعز ومعزة واعتبار ووقاري
شيوخ شمر جنة الضيف والجار = لهم مع العالم مكان اعتباري
نبع الصخا وأصله بعيدين الأذكار =فيهم سمى شعري وزاد افتخاري
وشمر سنام المجد في كل الأقطار =شمر صناديد الوغى ما تداري
وأنا نضايض مرويت كل بتار = ليا ختلط صوت الندب والمثاري
ربعي هل العصلى صواريم سنجار = يكفي ليا عديت فعل الفواري
ومغير وان ركبوا على قب الأمهار =والليث أخو سلمى بعيد المحاري
فايز ثقيل الروز دواس الأخطار =مروي ظما زرق النمش والشباري
الحق يبقى والفعايل لها دار =ومروج الباطل جزاه الزواري
شعر(ساير متعب العمودي)
مشعل الفيصل أهداء لشيخ ضاري مشعان فيصل الجرباء للشاعرساير متعب العمودي)
العرض العادي
