ياراكب فوق ثنتين يشدّن الاقواس
الظهر من غيضان الحجر حركني
مافوقهن كود الدويرع وجلاس
وسفايف بين ارعه يلعبني
توجهن من عندنا حين الادماس
ومضا سواد الليل مابركني
حطن ام حذفه يسار من الراس
والظهر من ورد الحفر يشربني
وحطولهن مع حثله الحضر بلاس
عن الحضر والي باالخلا يسرحني
وليا لفيتو عند مدقوق الالحاس
الجادل الي بالمحبه محني
قولو على حبل الرجا نطوي الياس
والبيض غيره كلهن يحرمني
ولو يندوي جرحي دويته بزفواس
وابني برفاف البيت منكم ومني
والله يعلم بالخفاياوالاواجس
حب بدا من صغر سنك وسني
وياعم يالي طعت بي هرج الادناس
طاوعت هرج الناس واخلفت ظني
طعت بي ياعم دايس ودرباس
وعوارض صدقتها وابعدني
ومن لا خذا من درس الاسلاف نبراس
نمضي حياته بالرجاء والتمني
واقفيت ادور بضامري كل هوجاس
على وليف بالحشا غاب عني
تبكي خواطرهم ليا جيت عساس
ولاتقل انا منهم ولاصار مني
ومريت دار ماتقل جتها الاوناس
ووونيت ودموع العيون اذرفني
جيت المراح الي به العشب محتاس
العشب في مضرب وساده معني
ماحلى سمار النار ومشاقة الراس
وثلاث لايبكن ولاينبكني
ولي بنت عم ماوطت درب الادناس
ولادنست يوم النساء يدنسني
ضربتها وانا احسب الضرب النوماس
وطلقتها يوم اقفت العقل مني
ياناس كيف العين تبكي على ناس
وكيف العيون بلا رمد يسهرني
ولوينشكي حبه على الطير قرناس
جاه الضحى في ماكره مستكني
ولو ينشكي حبه على قب الافراس
عين نهار الكون لايفزعني
ولوينشكي حبه على ذيب الاخماس
يمشي مع الطليان مايجفلني
ولو ينشكي حبه على الميت ماناص
يقوم من بين النصايب يوني
وحتى النجوم الي مع الليل غلاس
لو ينشكي حبه لهن وقفني
ولو ام غوطه وام سلمان وضراس
تدري بما بقلبي لحبه يكني
تلقا سهل جبه هضاب ومنحاس
وحتى الجبل بالقاع طاح متثني
اشرفت براسي على روس الاطعاس
ولا الوم طراد الهوى لو يجني
وهليت دمع العين واوميت بالراس
ورافقت كور العيس يوم ابعدني
وابعدت نفسي عن شفا كل وسواس
البعد احلا من حياة التمني
والله لولا بكرة يا ابو وناس
حبه سكن باقصى الضماير مكني
والله لوهي ماتبيني فلا باس
لكن خذفان النفوس اطردني
وياعم انا لي طلبة الراس بالراس
وياعم شوف رسومهم مامحني
ولو شلت انا المقلاع وطمنت انا الراس
والعود مايقطع بليا مسني
انا زبون الحرد للخيل مدباس
ليا كلشن شهب الشوارب نخني
نفسي تجوز عن التدلبح مع الساس
ولاعاش منهو عن خصيمه يكني