بسم الله الرحمن الرحيم
أسند هذه القصيده للأخ العزيز الوافي / ممدوح بن خلف العلوي العلياني
بديت باسم الي يسوق الخيالي
الواحد المعبود عالم خوافيه
..
..
الخالق الرازق عظيم الجلالي
جميع مابالكون كونه ومفنيه
..
..
اخـلاف ذا دونـت مـمـا طرالي
أبيات من نظم القريحة قوافيه
..
..
دونتها في مدح واف الخصالي
مـبـداه واحـد مـاتغيــر مـباديـه
..
..
أبو خـلف مـمـدوح قرم العيالي
منصى الرفيـق ليـا بلنه لياليـه
..
..
بليـهان شيـال الحمول الثـقـالي
مـاهو مــن الي يخلفنه هقاويه
..
..
حرن تـعـلا في سما كل عـالــي
يرفع مقـامه لسماء مـايوطيه
..
..
حرن على الهدات رام العوالــي
ماكر حرار الي على العز مربيه
..
..
خلف صليب الرآي نعم الرجالي
متوارثن نوماس جـده واهـاليه
..
..
عليان فعله شامخ(ن) كالجبالي
الذيب يشهـد يوم قـلت مـساعيه
..
..
يوم الفقر والجوع والكيس خالي
وابن سـعيد مـن حـــلاله يعشـيـه
..
..
ودبيـــس منـه يْـشتَــكْن الـــدلالي
خمسين عـــام ولاأتــعبنه قهاويه
..
..
وابن علوي فدغوش طلق السبالي
تشهــد معاميـلــه ونــجرن يـدنـيــه
..
..
تـاريـــخ حـافـــل مـن قديمٍ وتــالـي
تاريخ شمـر تفــتخر بــه وتـطريــه
..
..
ياصـاحـبي قدرك عزيز(ن) وغالي
غــلاك شَيْــد وَسْط قـلـبي مبـانــيه
..
..
هــذا وشَـيّـن بالـقـصـــيده بدالـــي
مخفيـه بـفـوادي ولاَ ودّي أبـــديــه
..
..
واللحين قــلته يـــوم جـانا مجالــي
عن الخـطا لا يَــلْحـَــقــنّـا مشاريـه
..
..
ممدوح لاتســمع كـلام(ن) يـقـالـي
يامـن يجـيب العـلـم عــني يوديـــه
..
..
أنتـم بنـي عــمي حــزامي عقالــي
أنتم سنام الطــيب حـاضره ماضيه
..
..
أنتـم كما نجم(ن) سطع بالعلالــي
ولاكــما بحــر(ن) بعـيده شواطيـه
..
..
بحر(ن) وفيه من العلوم الجزالي
اللي تـقود وجيهكم ... يـامسـويه
..
..
وانا مـن الي يحــتمــون التـوالي
في سـاعة ٍ كل ٍ سـمعــنا تعزويـه
..
..
نركب على قـب المهــار الدوالي
وعدونـا من ذل الأيــام .. نسقيه
..
..
وليا بلانـا من الصواديــف بالـي
حق الـرفيق وواجـبه ... مانخليه
..
..
وأنتم وحنا مُوُثـقين ّ ... الحبالي
هذا أبن خال(ن) وهذا / بـناخيه
..
..
نسابــه وجيران مـابـه مجــالـي
مـن دور أبـن بقـار وأنتم بنيخيه
..
..
واللي يزور بالحقــايق يــلالـــي
ملقى الخــبل لخـبول مثله تلقيه
..
..
اللي سوالفـــهم دقاقن هـزالـي
يلعنك يــابياع حظه / ومهفيه
..
..
عسى حياته للفــنى والزوالـي
يقصفه قصاف الاعمار يفنيه
..
..
تمت وصلـو عد نبـع الـزلالــي
على نبين أظهـر الحـق مهديه
:
&منقول الموضوع &
اخوكم / عبدالله بن فهد الجحيشي
قصيده في ممدوح خلف العلياني ومدح في ال عليان
العرض العادي
