الحمد الله كريم المنّة ، وناصر الدينِ بأهل السنة ، الحمد الله كثيراً كما أنعم علينا كثيراً وصلى الله وسلم على رسوله محمد الذي أرسلهُ شاهداً ومبشراً ونذيراً ، وداعياً إلى الله بإذنهِ وسراجاً منيراً ، وعلى آله الذين أذهب عنهم الرجس وطهَّرهم تطهيراً وعلى جميع المؤمنين الذين أمر الله نبيهُ أن يبشرهم بأن لهم من الله فضلاً كبيراً
الاسَئِله : نبداء على بركة الله نقاوب على الاصعله
1 _ عرف الاعضاء بنفسك ؟
فقيره لله
2 _ اول مره صمت في رمضان كم كان عمرك ؟
بثاني متوسط الله لايبلاء
وهل افطرت خفيه؟
ياياياياياياي ياكثر ماافطر خفيه واذا جاء وقت الفطور انبطحت على السفره تعبيرعن الجوع هع لكن كشفتن خيتو وليتها عاد سترت على اختها المسلمه لا انتشر الخبر في ارجاء المنزل حصلت بعض الشتايم والسب وبعض الضرب لوذاك الوقت اعرف حقوق الانسان دقيت شكيت عليهم اختي هع
3 _ لماذا الكل يجمع على أن رمضان قديما كان الاجمل؟
رمضان نفسه ماتغير نفس الروحانيه والسكينه
مثل السنه الي فاتت
والي قبلها
وقبل ماننولد حتى
بس السبب ان الناس تغيروا والنفوس ماعادت مثل قبل الامن رحم الله
4 _ قدر استطاعتك. ضع لنا برنامجك اليومي في رمضان؟
بعض النضر عن الرمضانات الي فاتن كان عندنا شغالات وسنه هاذي ابوي مدري والله وش علته رفض اي شغاله من حظي المقرود لذالك اول مااصحى اعطي راسي المطبخ واذا الفطور عندنا طبعا تقل مصيبه عندنا اهلي لاتفضحينا القهوه لاتصير مر لاتصير ماء لاتصير ولاتصير من القهر بغيت احط فيها مطهر وانا الحمدلله قهوتي تفتح النفس لكن وسوسه
وبعد الفطور مشاء الله يسحبني واحد من اخواني لمجلس الرجال اسحب الاواني والدنيا الي فيه وشيلي وعجلي وحطي المهم يجي وقت العشاء مشاء الله مدري وش معدتهم انا نعنبوابليسكم كم لكم مفطرين عشان يجي العشاء والله ودي اقلب الفطور كبسه قسم راحه ^_^اذا مشو الرجال لاني جاين الموت من التعب الله لايحرمني اجره
5 _ أكلتك المفضله في رمضان ؟
احب الكنافه عندنا مطعم يعمل كنافه انما ايه بس
7_ اختار ولا تحتار : في رمضان تفضل .
السهر او النوم مبكر
السهر الله لايبلاء
التلفزيون والانترنت
التلفزيون مالي فيه علم تقريبا ثلاث اسابيع النت موكتير اجلس عليه
الإجتماع مع الأهل والأصحاب او الجلوس لوحدك
انا اذا اجتمعت مع اهلي تهاوشت معهم بذات واحد من اخواني احس هوسالب واناموجب الله لايبلاء كلمه تليها كلمه ثم تثور حرب مدري متى نعقل >>بعد العمر ذا عقل ^_^
الاصحاب نادر اجتمع مع البنات برمضان وهيك وهيك مره لوحدي ومره لا
السمبوسه او الشوربة
الشوربه اكرم الله النعمه مدري وشلون اهلي يحبونها وهي الوحيده الي انا فاشله في طبخها السمبوسه يالبى ذاك الخشم من الي مايحبها ^_*
8 _ أجمل رسالة وصلتك للتهنئة في رمضان..كانت من من؟
الحقيقه انا اكره الرسائل والله اني اترك شي مافتحته الا رسائل وحده من البنات احرص اقراء كل حرف ترسله لانه حكيمه مشاء الله عليه ومتدينه الله يثبتها
طبعا الرساله تهنئه ومن ضمنها هاي الحكمه ربما عمل صغير تكبره النيه وربما عمل كبير تصغره النيه
و هل ترى أنها كافية للتهنئة بقدوم شهررمضان ؟
نعم اهم شي الشعور 9- رمضان شهر للعباده
وللاسف الفضائيات تتسابق لجذب المشاهدين
فهل نجحت الفضائيات لجذبك لها ؟
الله المستعان الله المستعان نحجت على الي عقله جاهل ولا الفاهم يعرف انه وراه نومه لاصحوه لها الايوم القيامه ولايضيع دقيقه من شهر رمضان والاالمسلسلات وش الفايده منها ؟؟ ماغير المشاهد الحقيره الذي تورث للقلب الفجور العياذ بالله
وما المسلسل أو البرنامج الذي تحرص
على متابعته في رمضان ؟ اذا كنت من متابعي المسلسلات فلاتذكرلنا اسم المسلسل اعطاك/ي الله كره المسلسلات اكتفي بنعم ولا
البرامج رمضان غيرني حلو جدا لااعلم السنه هاذي موجود ولا لا لكن سابقا كنت اتابعه لشيخ عبدالعزيز الاحمد جزاه الله عنا خيرالجزاء حاليا انا مشغوله في امور لايعلمها سوى الله وسأل الله ان يفرجها علي وعلى كل مسلم لذالك ليس لدي وقت اتابع البرامج لااتابع اي مسلسل ولله الحمد والمنه كنت سابقا اتابع طاش ماطاش ولكنه انقلب راس على عقب في السخافه لااقول سوى حسبي الله ونعم الوكيل ماتجني اذا اضحكت الناس واغضبت العزيز الجبار
اللهم اغفرلنا وهدينا لصواب واجعلنا من الفائزن بهذا الشهر واعاد الله علينا وعليكم ازمنه عديده ونحن في احسن حال اللهم امين
احب ان اشكر اختنا هيبة ذيبه على الموضوع>>>>غصب تذكر اسمها هع