اقتباس:
المشاركة الأصلية كتبت بواسطة عبدالعزيز بن عايش
اقسم بالله قالها انا مستعد اخسر كل شي صحتي مالي ولكن يبقى اسم شمر
|
والله اني بغيت البس الدرع والطاسه يوم اني قريت هالكلام قلت بس شمر وخذت اللي اخونا وليد يبي يخسر صحته وماله على شانه واخرتها طلعت لجنة انتخابات سامحك الله يابن عايش خرعتني الله يهداك....
مع احترامي لك وللاخ وليد مافيه شي يستاهل انوه يخسر صحته وماله,,
واسم شمر بخير وستر وعافيه والحمدلله شمّر قبيله عريقه ولها ماضي مشرف ولها حاضر طيّب ولله الحمد والفضل والمنه والامور الانتخابيه ماهي رافعه اسم شمر ولاهي منزله اسم شمر,
والصحه تاج على روؤس الاصحاء لايرها الأ المرضى,
نعم مستعدين نخسر مالنا ونخسر صحتنا ونخسر جميع مانملك ولكن في شي يستاهل ماهو على شان لجنه وانتخابات وفرعي والخ من هالكلام الفاضي اللي لايسمن ولايغني من جوع..
نخسر صحتنا ومالنا في الذود عن الحبيب المصطفى والذود عن زوجته عائشه رضي الله عنها وارضاها ونخسر مالنا في مايرضي الله عزوجل ولاتنسى حديث الرسول اللهم صلي وسلم عليه حينما قال لاتزول قدم عبدا يوم القيامه حتى يسأل عن اربع وذكر وعن ماله من اين اخذه وفيما انفقه .
وشمر تستاهل اننا نخسر كل شي على شانه بس مااشوف ان فيه شي يستاهل هالوقت انه يخسر الاخ وليد صحته وماله على شان شمر يابن عايش..
وعندي كلمه اخيره ابقوله وانا مسؤل عنه واتحاسب عنه امام الله سبحانه وتعالى,,
اي شخص في هذا الوقت يقول انا مستعد اخسر صحتي ومالي على شان شمر اقوله انت يامجنون ولأ كاذب ومنافق ولأ عندك حميّه ماهي عند احد بهالدنيا,,
واقسم بالله الذي لا اله الأ هو اني لااعرفك يابن عايش ولا اعرف الاخ وليد ولاعمري شفتكم ولوهو قصور فيكم..
تقبلني بكل شفافيه ومصداقيه..
(وشمّر بخير)
لجنة شمرفي منطقة الأندلس
العرض العادي
