نقيت لي من بنات الفكر مهرة قصيد=عسفتها في فضاء فكري وسجيتها
واسرجتها قبل اسرحها بمعنى جديد=قلدتها من صفوة حروفي وصيتها
فكيتها مع طلوع الشمس من كل قيد=وجهتها وجهه لشمر وعنيتها
يستاهلون الفرايد من نباهم فريد=قبيله يشوش فكري كل ما اطريتها
تاريخهم ما توفي فيه كلمة مجيد=حاولت ابحصي فضايلهم ولا احصيتها
نصيتها الشيخ ضاري ورايي سديد=وردتها عد راهي يوم نصيتها
شيخا ولد شيخ ميقافه يفل الحديد=كان المكارم تلوذ في بيت هم بيتها
ابوه بوقت الطعن في يديه سيف العقيد=صطوته وقت الشدايد معتلي صيتها
ياما ركب ظهرها واعطابها فج بيد=وياما وطى هضبة وادب عفاريتها
مشهور سجله التاريخ مجدا تليد=اتعب وانا اعد بامجاده ولا احصيتها
يعيد بكل فجت صبح من غير عيد=تخبرك معنى الكرم ديرته لاجيتها
لا صرت ضيف الطواله ما عليهم مزيد=تفرح بمنوتك لا منك تمنيتها
واللي بنوه الجدود اكمل بناه الحفيد=مشاري اللي فعوله ما تناسيتها
سلام يامن جعله بالمراجل رصيد=ياللي ليا صرت لك في درب عزيتها
يا عز منهو تعزوابك وحطك عضيد=خصالك احاول اوفيها ولا اوفيتها
وصيتكم يا خو صلفا وانت رجلا رشيد=وانا اعرف انك وصاتي ما تعديتها
حبيت اذكرك والذكرى تراها تفيد=وقتها جعلها تاصل بتوقيتها
أخوك/محمد الجهني