البارحه يوم القمـر غـاب = ورقب نجوم الليـل لاتغيـب
في شف لي منسوع الارقاب = غر(ن)شلع قلبـي بكلاليـب
خذ مهجتي والروح بنهـاب = ماراف بي سيـد المحابيـب
لولاه انا ماكنـت مصطـاب = ولاجيت في فـن المذاريـب
ياسعد من شلا على ركـاب = واقطع بها فجوج ومحاديـب
داس العوير وسيره اوجـاب = والفقع مـره قبـل لمغيـب
والفجر قبل إيبين له ضـاب = معيشيق وين الظل هطيـب
وهيلي لفاها والفكـر طـاب = مابيـن خـلان ومعازيـب
وعسيم مقصودي والارغاب = مسكن اصحاب المجد والطيب
فيها الغضي مدلوع الارقاب =يللي جنوبه تشبـه الحيـب
هاذاك حبـه غـزر النـاب = وعذب لي إفـوادي تعذيـب
عسى دياره جـود سكـاب = من حاجب(ن) سحبه مرازيب