&& عزوة الضيغميه &&

السلام عليكم ورحمة الله وبركاته
اخواني واخواتي اعضاء هذا المنتدى الرائع
كنت متردده بعض الشئ عن الكتابه في قبيلتي
لااسباب منها اني مهما كتبت لن اصل الى شئ
بنفسي تجاه قبيلتي ومدينتي ولكني بالاخير ومن تأثير شغف
الاعجاب في ( شمر ) و (حائل ) ستباحت مشاعري قريحة الشعر
وأمرتني بان اعبر عن مشاعري تجاه ماسبق ذكره
ارجو ان تنال ذائقتكم وان تسامحوا تقصيري ان وجد

حي الله الي شرفن في مجيه=و بالي قرالي مرحبابه ملايين
اهلا وسهلا ياهلا ياالله حيه=اناوشعري والمشاعرمحيين
ومن بعدحق اهل القلوب النقيه=وترحيب جامع بالرفاق الحشيمين
ونفي الغرورو هاجس العنصريه=ومن غيرنقصن بالشعوب العزيزين
لزم تقوم احروفي الابجديه=لصل الكرم من عصرحاتم لهلحين
اجلال تاقف ثم تطق التحيه=متواضعه قدام قومن نزيهين
لساس الكرم والعزوالاولويه=عندالذي يفهم سلوم الوفيين
الي يجيب الصدق خوف الخطيه= وخوف الكلام الي يغيض الجديين
تشهدجزايلهم بدون الجزيه =و يشهدلهم مجدالكرم والكريمين
وتشهد ويشهدفعلهم والحميه= ويشهدلهم ذكرالرجال الحكيمين
وجبال حايل والديارالعذيه=وريضانه وسهولها والنفودين
وبيوتهم والقصةالحاتميه=تعطيك شرح يميز الحاتميين
وهلابعدحيي وكف العطيه=وضيوفهم والرجح عندالموازين
وحجاج طلق وضحكة الجاذبيه=وسوالف تجذب هل العرف والدين
وفزة صقورما تجيب الرديه = اليانتخوايقهرعنا الدين بالدين
اطفالهم ماينعطون الوصيه=الله فطرهم للكرم مستعدين
ناظر صغير هم يلوح بيديه=ارحب تقهوا سم وقف على وين
ودلالهم مع منظر النار حيه= في مجلسن يفخربضم الشريفين
يذهب هموم الي نكربه خويه=فيه الأخوه له مقام وقوانين
انك تضيق بقربهم لاقويه =ان كنت نشمي للنشامانديمين
يستقبلونك وانت روحك شقيه= حزين نفس وضيق بال وسهرعين
بترحيب مع فنجال كفن نديه=وبخور عود من كفوف النديين
وروح الحلال الي لمثلك ضحيه=ماتنتظر بكرا ولابعد يومين
وتروح بالخوه وروح المعيه=وتحسهم جواك مثل الشرايين
هذابمدح الطيب والاالبقيه=اسهب معاي اشوي واقرا العناوين
السيف والسلطه مع العنجهيه= والكود مع كبح الردي والشياطين
ونارالشجاعه نارينهاب ضيه= يتوارثونه من جدودن قديمين
الله حباهم شي غير البريه=لضدضد واللموالف وليفين
دقم الخشوم بسلطةالمقدريه=للي يحاول يزحم المسفهلين
وشلون يثارالرصاص ودويه=وفتيل نارالحرب وسط الميادين
هذابعهداجدودناالاوليه=قبل الامان وقبل حكم الفطينين
يكوون كبدالمعتدي خوش كيه=تردكيد الي طمع بالعنيدين
لنحورهم هذاقضاالقضيه=عندالرجال الي تذل الماعدين
وفي حاضرالذربين دوك البقيه=اصالة الماضي بروح الحديثين
وسلوب ذرب ونية لؤلؤيه= تذهب سوادالقلب بين النقيين
والعطف والاحساس والنرجسيه=وسترالبنات النادرات المزايين
جمال روح وشكل مافيه زيه=جمالهن يقهر ورود البساتين
(كمال بعدالرب ميه بميه)=و نصاب عز في ضهورالسكاكين
شبا بنا ما يقبلون الوشيه=في بعضهم والي لفوبه ماهانين
جرب تحرش شوف وقع الأذيه=ازحم صغيرهم تثور البراكين
شمرهلي والعزوة الصيرميه= عز القوي وابعاد هم المساكين
اركان سقف المجدهم بالسويه=وكانك جهلت اقراالقصص والدواوين
هذي فقط نبذه ولاهي خفيه= سوالفن تكتب بذكر العذيين
عبده وسنجاره والاسلم بليه= من واحدن يدحرجماح الفراعين
وعبده و وسنجاره والاسلم هديه=من واحدن يكرم ضعوف وحزينين
عجزت لسهب رحلتي سرمديه=في مدح شمرلوحروفي بلايين
لي الفخرياقلت اناالشمريه=بنت الرجال الشامخين السلاطين
ومن الضياغيم عزوةالضيغميه= من عبده الي بالتميز غنيين
بين الطنياوافتخرحايليه=مدينتي مرسى الكرم والنجيبين
هلابكم فوق الجبال العذيه=اجباله ترحب وتشهدله اسنين
ياجيت بعدالسكه الجرهديه=تشوف رمزالري بالدايري زين
وسط المدينه دلة شاذليه= كيف النزيه الي تقهواله العين
دوارلكن راوس الفيصليه= والمملكه عنده بعيني ولاشين
حايل مقراهل النفوس النقيه=جنة نعيم بناظر المستقرين
والي ترك حايل يضم المنيه=إحساس ناطق من جميع البعيدين
تحياغلافي ناظرالضيغميه=وقلبي وعقلي في هواها مساجين
لذاتقوم احروفي الابجديه=لساس الكرم من عصرحاتم لهلحين
اجلال تاقف ثم تطق التحيه=متواضعه قدام قوم نزيهين

تحياتي



(( الثريا ))

 

 

 

 

 

 

 

 

 

 

صح صح صح صح

السانك اختي الثريا

ونعم فيك يا خيه

وجبـال حـايـل والديارالعـذيـه وريضانـه وسهولهـا والنفوديـن
وبيوتـهـم والقصةالحاتـمـيـه تعطيـك شـرح يميـز الحاتمييـن

 

 

 

 

 

 

 

 

 

 

شمرهلـي والعـزوة الصيرمـيـه عز القوي وابعاد هـم المساكيـن

صح لسانج يا الثريا

 

 

 

 

 

 

 

 

 

 

صح لسانك 00
قصيدة جزله

 

 

 

 

 

 

 

 

 

 

من أجمل مآ قرأت

صح لسآن قايلها

 

 

 

 

 

 

 

 

 

 

المشاركة الأصلية كتبت بواسطة فتى الشلقان

صح صح صح صح

السانك اختي الثريا

ونعم فيك يا خيه

وجبـال حـايـل والديارالعـذيـه وريضانـه وسهولهـا والنفوديـن
وبيوتـهـم والقصةالحاتـمـيـه تعطيـك شـرح يميـز الحاتمييـن

الاخ فتى الشلقان
تشرفت في مرورك الكريم
وفي هذاالثنا السخي
كلي شرف

اخي الكريم

دمت متابع ياكل الذوق


تحياتي


(( الثريا ))

 

 

 

 

 

 

 

 

 

 

المشاركة الأصلية كتبت بواسطة وآثق

من أجمل مآ قرأت

صح لسآن قايلها

الاخ الواثق

تشرفت في مرورك الراقي

والجميل ماكتبته اناملك

دمت متابع ياكل الذوق


تحياتي


(( الثريا ))

 

 

 

 

 

 

 

 

 

 

اخواني الكرام

لا عيب ولا حرام ان يفتخر الشخص بفخذه او بقبيلته

فلماذا نوجه له اصابع الاتهام ؟؟؟

الموضوع يتكلم عن قصيدة وليس عن نسب ما في علم الأنساب

هذه قصيدة تخص الشاعرة صاحبة الموضوع

فلماذا كل هذا التهجم ؟؟؟

من لديه رأي خاص بالقصيدة كنقد مثلا لأبيات القصيدة فليتكلم

أما أراء عن النسب والى ماذا ترجعون وما الى هنالك

فأرجو ان تحتفظوا به لإنفسكم ..

هذا منتدى شمر الرسمي وهو يتسع لجميع أفخاذ قبيلة شمر

اننا نعامل هنا الجميع على أننا أخوان وسواسية

ولا نعامل الأشخاص حسب فخذه الى من هو يرجع

نحن منتدى اسلامي علمي ثقافي شعري اجتماعي

فلماذا تريدون ان تجعلوا كل قسم يختص بالأنساب

الم يكفيكم قسم الصناديد وما يدور فيه

تريدون ان تنقلوا العدوى الى اسمى قسم

الا وهو قسم الشعر الشعبي ..

قسم شعراءنا الذين ابدعوا في حروفهم

وبهروا القارئ بهمساتهم الشعرية العطرة

نرجو منكم عدم الخوض في اي شي يخص نسب او فخذ

صاحبة الموضوع في هذه القصيدة او في قسم الشعر الشعبي

ومن لديه اعتراض فليراجع الإدارة ..

وهذا يعتبر انذار ... للمرة الأخيرة ..

شاكر لكم تفهمكم .. عافاكم الله

 

 

 

 

 

 

 

 

 

 

العزيز والغالي مراقبنا الفذ قهوه ساخنه شكراً لك لكن والله من القهر فقط لاغير وانا سأفتح هذا الموضوع في قسم الصناديد واتمنى ان لاتطوله يدك بالحذف او التعديل مزووح يالغالي مزوووح وانا اعتذر للأخت القصيده جزله مايحتاج ولكن اتمنى ان تفهمني وتستوعب جيداً لاننا نحن نمثل الطنايا السناعيس شمر فقط لاغير شمر فقط ...!!!!

 

 

 

 

 

 

 

 

 

 

اختي الفاضلة و الشاعرة المبدعة الثريا

صح لسانك وعلا شانك

والف نعم بك وبالضياغم

قصيدة جزله

عافاكــ الله ..



اخي الفاضل المهندس الراقي

بيض الله وجهك وما قصرت

واشكرك على تفهمك

عافاكــ الله ..