لاصــــار ماهي فيه سألت عنها *** ولاجت جميـع اخبارها علمتني
تاخذ علومــــي واخذ العلم منها *** تقل مواعــدها وهـي مواعدتني
ياكثـــــر ماقالت عن اذنك ايلنها *** جاها المـراجع ثـم بالحال جتني
النا حــــــدود وكـل منـا ضمنـها *** حتـى لـو ان طبوعـها شجعتنـي
ايــــــام عشنـــاها وعشنا لحــنها *** على الشرف بس السوالف عطتني
وراحت وخلتني وانا رحت عنها *** لانيــب مبغضهـا ولامبغضتني
ولانبيب ناسيها ولا انسـى زمنها *** واظنـــها مثلــي بعــد مانستني
هذي الحيـــــاة وقبلنـا مـن ومنها *** هي ثابته وانا الظـروف ابعدتني